傻仔事件九

成日睇卡通片都會見到八爪魚...

八爪魚有咁多隻手手腳腳...佢點控制嫁??

我諗..佢係只可以控制一隻...定同時控制哂咁多隻呢?

我再望下自己隻手...

依..d手指可以同一時間郁....咁姐係八爪魚同時控制哂咁多隻啦!

傻仔事件八

平時d衫有塵....我就會拎除塵轆出黎碌..

除塵轆有黏力...可以黏走d塵...

我有條褲起毛粒...我又係咁做...但係碌黎碌去都係冇用..好似個白痴不斷咁碌!

我問阿媽可以點做...佢話冇得救...

下...冇得救...我諗住扔左佢..

阿媽又突然話係屋企著咁得囉!講得對...好彩未扔..

傻仔事件七

我屋企樓下就係圖書館...以前成日都落去借書..

跟住返到屋企...就扮圖書管理員...

扮佢地'嘟'本書..同印日期...好好玩嫁!

不過而加當然冇玩啦!

傻仔事件六

成日都見到惠康門口有d阿婆問人拎印花...好明顯d阿婆係將d印花賣俾人啦!

個問題就係..佢地賣俾邊個呢?!

我一直都以為係賣返俾惠康...咁咪少d人換到野..

後來阿媽同我講係賣俾要印花既人...唔係惠康..

我諗深一層..惠康用錢買返d印花..仲糟過d人換到野..

我仲以為個個人都好似我咁諗...我同阿con講左..佢話我好白痴~~

傻仔事件五

我小時候一直都以為親咀會有bb!哈哈哈哈

經常在街上看見情侶做一些親熱的行為...

我就會想...他們都未結婚...親咀會有bb喎...他們不怕嗎?!

我都唔記得幾時先知親咀係唔會有bb...