今朝凌晨落勁勁勁大雨!

好彩返學果陣...唔係好大姐!返學最煩就係落雨~

我個鞋底爛爛地...又落雨...弄到對襪濕哂!

好彩秀恩有帶多對襪俾我...之前都試過咁!

所以我一返到學校..佢就睇下我有冇濕!真係唔該哂呀!

今晚去食自助餐...食左好多杯drayer's雪糕!正

食自助餐果陣...阿媽冇啦啦講d阿哥對我幾好!

我生日....大哥,馨宜同細哥,sandy都有送禮物俾我!

佢地仲上左黎我屋企同我慶祝...細哥,sandy更煮飯tim!

所以呢!我向來都成日同d同學講我d阿哥對我好好!

連佢地既女朋友都對我好好!我真係幸福呀!

好熱呀今日.......

係課室有冷氣....好涼!一出課室....焗爐呀!

又曬又熱....又要上PE堂...

PE堂學跳舞....跳Cha Cha!

我地上年學過....都仲有記憶既!

今日男仔同我地一齊上...miss叫我地一男一女跳!

我地當然大叫唔好啦!

最終都唔洗....不過見到佢地跳既樣...真係笑死我啦!

落堂果陣...miss要男仔分開幾行...一行一行跳..跳得好先放!

不過佢地都唔係好掂!哈哈

而我地女仔唔洗分幾行跳...成班一齊跳!

可能係之前學過...大家都識跳...跳得好齊!一take過...走得!YEAH

話說....小美同秀恩,盈盈去一個名叫北京交流團...因此而認識的!

小美係我既小學同學....而秀恩,盈盈就係我而加中學既同學!

我既小學同學與我既中學同學...竟然咁有緣地認識左!

當我知道佢地認識果陣....我都呆左一呆!哈哈

佢地前幾日有個聚會...冇問題呀!

佢地傾計講起我....都唔係問題呀!

問題係....秀恩,盈盈竟然話我好驚狗!仲講我驚狗既程度~

最重要既係...小美竟然都好記得我驚狗!仲話:「係呀!佢真係好驚狗嫁!」

Oh no~估唔到佢都仲記得我驚狗!睇黎大家都刻骨銘心!

今日放學之後...Rita拎返個行李箱俾我!

我地傾左好耐計!

我發覺「當局者迷」真係好對!

當局者好多時都唔能夠理性地分析...需要問下人地既意見!睇下下一步點行!

今日要交ies第三階段既初稿!姐係整份專題既報告!

ies係計通識文憑試20%!好重要嫁!

用電腦做....打左4000多字!做左十幾頁!

沉晚好多人都好夜訓....因為要做ies!大家都係前一日先做!哈哈

我1點先訓...我覺得好夜啦!不過佢地覺得我做得好快!

因為佢地仲夜...做到3點幾先訓!

沉晚咁夜訓....今朝又要返學!好累呀!好耐都未試過開夜車啦!

今日第一堂物理有test...不過沉日只顧做ies~溫都冇溫過..睇都冇睇過!

通識都有test...又係冇溫過!

冇計啦!ies大過天!

又有英文默書...又有英文oral test~

頭兩堂物理...阿sir冇返...溫英文默書(沉日冇溫到...理都冇理)!

默書有讀默...同背默!即日先溫都只係錯一隻字...算係咁啦!

oral test都好順利...discussion之後有individual response!

姐係miss問我地每人一條問題...跟住我地要答1分鐘!discussion最驚就係依樣!

好彩我都答得唔錯...整體表現都幾好!

其他人discussion果陣...我地可以做功課!

我故意帶數學書返去學校(冇堂)....係果陣就做哂d數...再俾本簿佢地!好有效率呀!哈哈