今朝周會...做馬做到出哂面...笑哂~

lunch食飯盒....點知有隻筷子爛左半邊...仲要係好骯髒!

con一手就仍走左...唔俾我用!

我只好用一隻...好彩都仲有匙羹~

廢柴好快食完....我即刻拎佢果隻!

終於有筷子用啦!

唉~又要返學啦!

點解d假期總係咁快完????!!!!我好似放左冇幾多日咋喎~

真係好想有放唔完既假....放到我唔想放為止!

不過....放到我唔想放..都唔知要等幾耐...哈哈!

又要開始繁忙既讀書生涯啦!

沉日去左迪士尼...多謝你地兩個請我去!

第一次去!好靚呀!

晏晝玩到晚上差唔多十點先走!

白天和黑夜都會靚呀!

d燈光效果又靚又正!

玩下野...睇下野...影下相!好好好開心!

影左一百多二百張相!

我地真係瘋狂呀!嘻嘻

夜晚睇埋煙花先走!好震盪...正呀!

有d公仔真係好得意!但係好貴!cute~cute~cute~

沉日同今日都要返學補課!

科科既老師都俾好多功課...

本來最開心既係化學冇功課!

可惜要返學補課!

而加仲慘...化學又補課又俾功課!救命呀!

補完課之後...棗欣去左我屋企...教佢化學...做功課!

剛剛果兩日...睇左好多戲...d音效勁正...I LOVE IT~

原來我細細個果陣...有好多慘痛既經歷!

係好細個果陣...bb既時候....

有碗湯倒左落我既大脾度....係好熱好熱既湯!

d大人除我條褲果陣...我塊皮都拉埋出來!(塊皮有13cmX7cm咁大)

而加聽返都覺得自己好慘...好痛呀!

另外...bb果陣...我冇啦啦個頭向後倒...成個人倒左落床後果條深淵!Oh no~

我日日返幼稚園都會喊...到左中班都仲會!

有個老師帶我去低班...俾佢地睇下我依個中班既姐姐返學都會喊!

個老師有冇攪錯呀!咁樣對一個小朋友~哼

以上既三件事...我都係唔記得!不過覺得自己好慘...嗚嗚~~

有件事記得既係...幾歲果陣去左個嘉年華!

我唔識死!要二嬸同我一齊玩機動遊戲!

我好記得個機動遊戲係半圓咁郁既!

玩完之後...我冇左半條人命!

因為我唔係好敢嗌出黎...開始左冇幾耐我就唔掂...不斷問二嬸幾時完!

就係果次...我之後一直都唔敢玩機動遊戲!