萬眾期待，等到頸都長，陶吉吉又再開演唱會，事隔２年半了！
今次一樣精彩非常，首首hit歌（基本上他每一首歌都咁好聽）舞台佈置以熱帶雨林為主題！
陶吉吉既歌聲結合強勁既結他，古典既中樂，中西合壁，好有驚喜！
當晚大家情緒持續高漲，嗌破喉嚨，高聲尖叫！加上我地人才仔仔，一行６人，睇得特別興奮、投入！
                              ｇｏｏｄ　ｓｈｏｗ！！ 超正!
可惜，有少少遺憾是位置不太好，高了偏了，朋友們真不好意思∼ 

星期四晚跟同事們柴娃娃一行5人睇冰河世紀2！整晚我們都好像同時間競賽，好急好趕，電影７．４０開場！
我們全都約好７點在沙爹王食飯，我們先搵位，但萬料不到，用了半個小時等待等待，食物來到時已經７．３０分，我們只有用極速既速度５分鐘內完成一個美味可口熱辣辣既焗飯，再來一口氣喪吸凍零茶，嘩．．即時凍上腦！整個晚餐就此糟蹋了！
之後，在銅鑼灣街頭上演一幕雨中疾走，見人過人，見車過車，飯都未落格已經有ｄ想獲利回吐，到達戲院時剛剛開場，真時險象環生！

　                                                            
電影好睇，對白抵死，配音生鬼（李璨琛、少爺占、林海峰、林曉峰）整套戲最好笑莫過於那隻時不時失驚無神出現既Scrat，經常為左得到粒松果四圍撲，好攪笑！
雖然第二集不及第一集有新鮮感，不過今次動物既毛髮同流水做得好好有質感、真實，值得推介！！

之前在明珠台睇到一個節目 - 無痛人生!
整個節目都是講一個怪病 – 身體少了一種感覺…痛!!
他們不知何為痛, 無論由幾高既高既樹跌下來, 無論傷口有幾深,流幾多血,他們都不會因此而哭! 他們跟本不知道痛為何物~
紀錄片介紹3個唔同地方既小朋友,全都得到這個病!!

美國- 還是bb的時候因不斷捽及爪眼, 導致其中一隻眼睛失明, 而身體多處都有傷痕~

挪威- 在1歲多時,不斷咬著自己舌頭, 直至成口血, 將整件白色背心仔染成血紅色, 她還可以企定定, 對著鏡頭天真瀾漫地笑…..噢!張相真的令人好震撼, 而她亦經常咬手指,咀唇,導致滿臉傷痕!

德國-因同學們知道她感不到痛楚, 為求證而不斷對佢拳打腳踢,扯頭髮........而她也非常之喜歡各式各樣私戶外活動, 試過由高處跌下, 但不知道腳骨折斷了……
因經常受傷,在求醫時, 人們誤會被家人虐打,管教不善…...還報警!!

雖然免受痛楚之苦,但他們所受既壓力比痛楚還要痛, 亦因如此比任何人都堅強!!
沒有痛楚是一件好事吧~

天氣悶熱，令人味覺遲鈍，特別想食一些味重，濃郁，辛辣，甜酸既食物！
因此弄了一道∼亞婆豆腐！

朋友舊眾 

星期日跟朋友仔唱ｋ，整整一年多沒見了！他們全都是我舊時工作既地方－漫畫店認識的，在漫畫店時大家嘻嘻哈哈又一天，他們差不多天天來鋪頭打躉、吹水！表面上陪我消磨時間，實際上在此睇免費漫畫同溝妹妹仔呀！（客路主要是學生）！
現在他們已由一舊蕃薯變成一個型人，哈哈．．．大個仔喎∼！仔大十八變!