| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 5 月 9 日 星期二  |
| Have A Fun! |
多日沒有寫了，現在要將日記寫成週記了；由上星期開始吧！
星期四 飯局
跟一個很久不見既朋友食飯！大家都有多年不見了，幾年不見的朋友還會約食飯既最主要原因 - 他／她回復自由身而已，否則那有空閒時間應酬我呢？
這位朋友花在女朋友方面的＄＄＄＄，真是令人為之則目，他現在的咭數都是因為她吧！當初大家一起時，心甘情願為對方付出，現在只有用一句說話形容“反轉豬肚就係屎”
星期五 深圳
佛旦假期，本身大夥兒打算攻入長洲搶灘，可惜大家在時間上出現誤差，我地去到時飄色應經已完結！因此只好即時改行程，上深圳，做港燦！深圳我只是去過一次，一路以來對偉大的祖國沒有什麼好感，在印象中她是一個冶安極差、環境惡劣、不文明、無法無天既鬼地方！現在已經好了些，但在我印象中沒有分別吧！因時有新聞提到大陸常有打劫人體器官、劏死牛、人間蒸發．．．真恐怖！只有小心點！不過，大陸消費真的非常實惠。我們去碌齡，打桌球真的好抵玩，食飯方面仲仲仲抵，只需幾１０蚊已經食過飽飽了！
星期六 操曲
跟芳芳and詩詩一齊唱ｋ，當日我們去了伊利沙佰ｇｒｅｅｎｂｏｘ，真是令人印象難忘！我們遇上了２個奇怪的人，真的好恐怖，攪到我地一路唱一路驚呀！！
| | 刊登時間︰2006-05-09 03:00 PM [ 訪客留言(0) ] [ 編輯日誌 ] [ 分享至FACEBOOK ] |
2006 年 5 月 3 日 星期三  |
| 工作．朋友 | 星期五晚來個三個女人一個墟吧！果然無得頂，整晚笑．．笑．笑．．笑！
雖然大家來來去去散散聚聚都離不開個類話題，一直以來我們都不會覺得聊無生趣，每次話題都源源不絕！嘻嘻．．．當晚真係水花四濺！
現在大部份朋友多已出來社會工作了，時間同感情上都好難維繫！最主要都需要大家主動吧，友誼才永固！而且出外靠朋友，多一個朋友，總比四周樹敵好！
不過，在你工作既地方未必每一個人都是真的可以交心，大家最多只能是工作上的伙伴，很難可成為真正的朋友，工作上大家只會為自己利益著想、較為自私．．．無論平時如何老友。
因此，同事多只是同事吧！
個人認為有時候時當你唔能接受的事，都應該將自己既不滿、睇法及想法說出來！一旦接受了，即表示自己沒有任何問題，別人不會再詢問你的意願了！
我絕對明白“人人為我，我為人人”這個道理，不過過分為別人著想，總要先想想自己啊！嘗試增加自己在公司的聲音吧！
 升職了！
５月開始我由接待轉入office做一個upload 相片既人肉上相員，有一個屬於自己的寫字枱。
等我解釋一下我的工作性質把啦：
每天一早7.30ａｍ回到公司將相片整理、分類、加文字．．等等，再upload上公司的網址
相信我要5.30am起身，比返學還要早，比游早水更要早，比同阿媽飲早茶仲要早．．．．！
下午可以3.30pm可以放工，真是早睡早起身體喇！
其實之前已打算搵工跳槽，但現在將計劃打亂，我應會繼續在這公司多做一會，之後再繼續搵工or進修！
| | 刊登時間︰2006-05-03 04:30 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 4 月 27 日 星期四 |
| 黑社會以和為貴 |
星期三，早上老闆要我們曬２張8R既相，相中人正是向生and向太！初時我們都覺得好奇怪，張相要來做咩呢？仲要我地買個相架放好忝！老闆他應不會放在辦公室內拿來欣賞吧！原來向太來公司拜訪，她香水之刺鼻，聲音之嘈吵，人未到聲先到！當日她拎了些戲飛，另送了一個玉石龍及玉石球給老闆，每次中國星的戲，我們多會有免費戲票！ | | 刊登時間︰2006-05-02 04:55 PM [ 訪客留言(0) ] [ 編輯日誌 ] [ 分享至FACEBOOK ] |
2006 年 4 月 25 日 星期二  |
| ∼下水禮∼ | 
上個星期天氣持續悶熱，令人即時想跳入泳池暢泳一番！同事們一直叫嚷游水去丫．．好想游水．．．幾時游水呀？
終於，我們相約好今來一個下水禮！大清早８．００在摩利臣山泳池門口集合，不見不散，一見即散！
好耐無試過咁早起身了，幾經爭札，再一番心理戰之後爬起來！一早天氣相當清涼，昨晚我本想打退堂鼓的，因近日天氣又降溫了，今天只有２３'ｃ，水溫低但都要硬著頭皮去！大家幾經波折才集結３人同行，今次只許成功不可失敗！
上路中途Ａ小姐因訓過龍，而爽約！佢即刻叫我快快打比Ｅ小姐，睇佢起身未呀！
（吓∼？心想不會最後只有我一人去游吧！我一定唔游喎，但我會照入場，因為我冇洗頭就出街，這明顯是個人衛生問題！）
好彩Ｅ小姐己在途上！∼由於溫度只有２３'Ｃ同風都幾大，我們像在游冬泳．同行友人因而得了傷風！
∼真係好凍，室內外都沒有分別啊！最後我地都只是草草游了半個小時！真係好鬼凍呀！
題外話，在更衣室沖身時，有２個婆婆在我們對出既地方傾計，佢地既對話如下：（真人真事）
Ａ婆婆：吚，你用邊隻粉底呀？
Ｂ婆婆：我用開濕粉喎，佢地個個都係用濕粉架！
Ａ婆婆：好用咩？
Ｂ婆婆：哎呀，濕粉貼面Ｄ嘛！
Ａ娑娑：吓真係咩，咁我都要轉一轉用！
之後我地沖完身出去時，才知道原來她們已是個６０多歲既婆婆，女人真係好貪靚．．哈哈！
| | 刊登時間︰2006-04-25 05:30 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 4 月 24 日 星期一 |
| 智能身份証 | 星期六，陪jenny換身份証！
嘩．．．踏入人民入境事務處時，以為自己去謝師宴、飲宴、招聘會．．．．
男既set行頭，女既化行妝，執到正一正，大家務必以最好，最靚既一面影身份証相！
下一批就到我換証了，好緊張，唔知會影成點．
有次朋友同我講，１０年後大家有可能會再換多一次身份証呀∼
原因是我們既超高科技２２世紀個人智能身份，會因使用過度而損壞，而相片會脫色！
名稱 : SUPERSIZED MC 麥當肥
如果各下三餐日日食老麥的話，好快就會變成 － 麥當肥，肥爆！
他身上仲戴上巨型閃鑽＄＄頸鏈，比較浮誇同負面啦！破壞了小朋友心中的形象囉！哈哈．．．
（陰公囉，好似同我有幾分相似，係唔係跟住我個樣做呀！）
| | 刊登時間︰2006-04-24 05:17 PM [ 訪客留言(0) ] [ 編輯日誌 ] [ 分享至FACEBOOK ] |
« | 66 | 67 | 68 | 69 | 70 | 71 | 72 | 73 | 74 | 75 | ... | 76 | »
|
