| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2006 年 5 月 24 日 星期三  |
| 被打了一身 | 星期日再次北上去，今次跟家人去玩玩，經黃崗入境，比羅湖快捷同方便。
當日天公不做美，整日沒有停過雨！不過，沒有打消北上既興致，一心向著骨場進發。
到達時已經中午，去左一間湯水專門店醫我地五臟六腑，不知何解，在大陸每一間食店既味道都非常之濃烈，尤其特別咸、特別油，每次食完都非常．．非常．．．口渴，要飲幾加倫水呀。
在大陸食真的十分之化算，每一個小菜都只是數１０個大洋，平靚正！
今次再食水煮魚∼正呀。上枱時，成個煲面既油還滋滋作響，熱騰騰，正！勁．．辣辣辣辣，真的辣得過癮，i'm love it!可惜太油了，水煮其實用油煮，大家都食到飽到反肚。
之後，我們先來一個熱身，打保齡∼今次跟上一次差不多吧！都係超低分４０－５０。
２圈後，我們準備向著骨場進發－世外桃源！現在既按摩場所好多都叫水療中心、會所、ｓｐａ．．．
裝修豪華，樓高五、六層，皇帝級享受，價錢相宜雙鐘都係＄９８．．低玩呀！
玩完一輪，又開始餓，今次一試海鮮吧！我地食了魚、蝦、帶子，好味道。
初初以為埋單會幾貴，驚訝地只不過佰幾蚊，好好好抵。
| | 刊登時間︰2006-05-24 05:59 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 5 月 19 日 星期五 |
| 達文西密碼 | 
星期四，第一時間睇了全城勁hit既達文西密碼！
對我來講比較悶，由於沒有看過原著，而且對聖經，天主教不熟悉，加上睡眠不足，因此開場不久我已經進入昏迷狀態！整套戲都像阿佰講古，比較沉悶。
由於要在２個半小時內將整本書既內容交代及講述如何破解密碼，因此好多情節多是輕輕帶過，特別是歷史既部份，沒有清楚交代，令沒有睇過原著的我一直都跟不上，同一個一個的問號不斷在我腦海出現，攪到我愈睇愈混亂！在解碼時也一樣，只是男主角同女主角２人自己破解，沒有引起觀眾思考及共鳴既地方。
而導演因一次過將太多事件放上銀幕，跟本令人吃不消！加上，故事散亂，好像所有故事都是獨立發生，沒有互相牽引、交流及影響！仲有要好留心字幕，如果唔係會唔明各演員和兩會既關係。
整套戲都有好的一面，剪接明快出色，音效不錯！
有點雷聲大雨點小，看原著應會比較精彩，多些想像室間∼
| | 刊登時間︰2006-05-19 03:39 PM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 5 月 16 日 星期二 |
| 右手殘廢，四肢癱瘓 | 星期日晚打羽毛球，好耐好耐沒有做劇烈運動了！
而且朱仔強勁非常，單手加單打對我們，我們２個人都十分吃力，加上自己球技退步、疏於練習．．．令我有衝動想學回羽毛球！不過先搵爸爸跟我惡補吧∼
由於２個小時既全程喪跑兼追波，攪到宜家腰酸背痛，要比人掟一掟先得喇！
近來比卓氏伉儷and joe潺感染了，喜愛參與戶外活動及做多了運動！例如：爬船仔、ＢＢＱ、打羽毛球．．．好健康咁喎~ | | 刊登時間︰2006-05-16 02:30 PM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 5 月 15 日 星期一 |
| 滿肚腸肥 | 近期股市飆升、樓市向好、金價上漲．．．經濟好，老闆好，我地好！
由於連日來老闆在股票市場大有斬獲，因而令我們受惠，每到lunch time老闆請食飯！
今次真的慳回不少飯錢。跟老闆出去食飯當然係一些著名高級食府吧，什麼魚翅酒家（午餐時已經食魚翅跟鮑魚了）、
貴夾唔飽既日本菜（一個set lunch等如我地４日既飯錢）、什麼ｘｘ苑，ｘｘ村（北京，上海菜）．．．
真是令我見識不少，平時跟本沒有機會光顧的。
而老闆每次去到都不會看菜單，只會問經理今天有什麼介紹，好吃，新鮮。他永不用理會價錢，真是豪氣！
現在我們暫不會帶飯盒了，免得浪費∼
| | 刊登時間︰2006-05-15 08:46 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 5 月 12 日 星期五 |
| 嚴重睡眠不足 | 這個星期開始我地獄式朝7午3攞你命三千既返工時間了！
一大清早，天都未光就要從甜夢中抓出來，現在要5.45起身~噢．．．好早呀！
雖然放工時間早了，時間多了，不過跟之前沒有太大分別，除時間上好像多了∼
不過太早起，整個人都好累，沒精打采，提不起勁，放工之後只想回家休息。
只可惜，我不能在家中睡午覺，否則晚上必定失眠是也！我絕對係一個非常之醒訓的人，只要有些聲音，都會嘈醒我，而且太晚喝咖啡、奶茶、提神既飲品．．．都令我整夜失眠！
因此，整日都要登著眼不能閉上，就算小睡都只能睡１５－２０ｍｉｎｓ！
現在經常都嚴重睡眠不足，加上習慣了晚上１２點多才上床睡覺，終日都不夠精神，
還多了一個黑眼圈∼ | | 刊登時間︰2006-05-12 03:07 PM [ 訪客留言(1) ] [ 編輯日誌 ] [ 分享至FACEBOOK ] |
« | 65 | 66 | 67 | 68 | 69 | 70 | 71 | 72 | 73 | 74 | ... | 76 | »
|
