| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 6 月 26 日 星期一  |
| 見∼到∼明星 | 由於小女子為人八八掛掛、為人多多事實、為人充滿好奇，加上喜歡觀察身邊的人和事，因而定奪出他／她的性格，特別鍾意“目及”靚仔，其實只要是漂亮的都希望全都盡入眼簾！尤其對明星、“磨嗲”、歌星．．．都特別敏感，因此貫以一個別名－明星眼！
時間：星期６下午
人物：廖碧兒
地點：海運
我們坐電梯住上去，剛在右手邊住下的有個令我雙眼閃閃發亮的女子，高高瘦瘦、身材fit到溜，一望就知係明星－廖碧兒，雖然帶著副大墨鏡，再加一頂cup帽，但好有星味啊！真人比上鏡靚、瘦，跟平時在電視箱既大大不同。
時間：星期日晚上
人物：古巨基
地點：九龍城
晚飯後，準備過馬路，剛剛有部綠色７人車在面前經過，由於車內的人實在太觸目，古巨基在當日３３度酷熱天氣下帶上一頂冷帽、一件長外套、長褲、墨超！發冷嗎？著到咁不合時而，明顯地想引人注意！最重要是，他們一行人仍然打邊爐．．真的好凍嗎？我諗佢真的幾凍，因為他的一副嘴臉非常之cool。
| | 刊登時間︰2006-06-27 06:52 PM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 6 月 22 日 星期四 |
| 黑面神 | 昨天終於下定決心睇牙醫，我記得自己都有３－４年沒有到訪過了！牙唔爛，唔痛，我絕對不會搵牙醫的！
一直以來我對牙齒不太執著，只是刷刷牙、草草了事。而且閒時喜歡食朱古力、甜水、糖．．．只要是甜的，都會放入口！
明顯地，這情況地下我應該滿口爛牙，可是，牙醫跟我講：「你一隻蛀牙都沒有喎，４隻智慧齒都已經出埋，仲生得好整齊，幾好幾好∼！」我說：「吓！吓！真的嗎？一隻爛牙都沒有，冇可能掛，我有成３年有洗牙了！」真是令人費解呢∼
當日見識到一位整張咀臉比墨汁更黑既女人，以下是我跟她的對話：
入到去她咀妙妙說：「你就係約左４．３０個個張ｘｘ呀？」
我：「係呀！」
她（她將一疊事飛出來比我）：「寫個地址比我...啦！」咁我就寫英文！ 她再說（語氣差勁，有點不耐煩）：「ｍａｕ？ｕ字呀！係唔係ｕ字呀？」
我：「吓！？咩ｕ呀？」
她：（開始變聲）「問你係唔係ｕ呀！？仲有係咩街呀！？文ｘ道？係邊呀！？何文田呀！」
我：「ｏｏ．．係．．呀！」
她：「你寫咩呀！我唔識英文，你ｄ字咁核特，唔識睇呀！我求其寫咋，我唔知架！都唔知你寫咩。」
我：「咁要唔要寫返過中文地址比你丫？」
她：「唔哂啦！」一直念念有詞，一直面黑黑，嬲左成村人！
另外，完事後醫生即時給我一面鏡子，原意比我照下排牙閃唔閃，可惜我沒有為意，只顧照自己個頭髮，你知啦瞓係張床到，個髮形會變左嘛！哈哈∼我仲要出左去之後先發現塊鏡既真正意義！
最攪笑，當日著了條比較低腰既牛仔褲，加上件衫比較短，一坐低就．．．．曝左少少光，個阿姐特別叫我出去，同我講：「你條褲休一休啦，就甩喇！」我即時笑左一笑，跟住同佢講多謝提點，嘩哈哈∼ | | 刊登時間︰2006-06-22 03:22 PM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 6 月 19 日 星期一 |
| 大排檔 | 星期5晚跟舊同事食飯~今次我們去了大排檔!!
年幾沒有到過大排檔了，記得有朋友每次食飯都必定食大排檔，還指定深水埔的才食，鐵不二價！
而且每次都只能指定要霸王雞一隻，不論只有３個人或１０個人！真的要了我的命∼
今次大家再聚首一堂，都是互相關心一下工作情況吧！
ＪＡＹ剛剛辭職，因為工作時間超長朝９晚９；
美姿工作仍然忙碌，每次都有不同既趣事，今次她採訪的題目：和尚叫雞！
像個迷面，那麼迷底是∼冇肉食！哈哈∼
maymay剛轉了新的工作環境，幾好，不過工作量多了！新公司只在我們不遠的２條街。
| | 刊登時間︰2006-06-19 03:26 PM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 6 月 12 日 星期一 |
| 星期1 | 遲來的生日飯局！
星期一晚朋友J帶了他的新女友亮相，嘩．．．真係驚為人天，天生一對∼絕對係陽光男孩VS陽光少女！一出場就feel佢地有一團光，好燦眼，閃閃的！
智能身份証
一大清早８：００影身份証相，不用排隊、不用等候，路路暢通，前後不用１０分鐘！由於人唔多，可以影多幾張選擇，我影了４張，職員亞姐仲同我一齊睇邊張出來效果好些，唔鐘意可再影多張，最攪笑佢同我分析各張相出來的效果會如何，好細心！ | | 刊登時間︰2006-06-17 12:22 PM [ 訪客留言(0) ] [ 編輯日誌 ] [ 分享至FACEBOOK ] |
2006 年 6 月 11 日 星期日  |
| 減價又開始了~ | 星期日，天陰陰令人沒什興致，加上時驟時晴，因此只好進行室內活動吧！
室內活動多時行商場、行商場、行商場．．．
現在只是６月頭，好多大形連鎖店已經開始進行season sale大減價，可能今年天氣不穩定四季難分，春夏秋既天氣時在一個星期內發生，長短袖衫、小外套．．都不用收爐了，這樣既氣候真是令人摸不著頭腦！
眼見各商店樹立一個又一個紅噹噹on sale、up to70％、crazy sale、 buy 2 get 1 free，只不過減價戰剛開始，已經減得那麼狠，真是生意難做！
| | 刊登時間︰2006-06-15 11:46 AM [ 訪客留言(0) ] [ 編輯日誌 ] [ 分享至FACEBOOK ] |
« | 63 | 64 | 65 | 66 | 67 | 68 | 69 | 70 | 71 | 72 | ... | 76 | »
|
