近日陽光普照，絕對適合落水暢暢泳，過冷河，降降溫。
今早相約同事兼泳友一齊下水∼每一次我們勿有阻礙，如時神未到、紅色／黃色警告訊號、天氣太凍、瞓過龍．．．．
好多不利因素影響。而且我地在天氣稍為微熱就急不及待跳落水，導致感冒病倒！
今次雖然仍舊有少少障外，中途落大雨+雷暴警告,但我地都有享受到清早既一刻陽光！一路以來都非常享往跟陽光玩遊戲，絕對不怕黑，不過只限水上活動！游水一定要有太陽，這樣才能真真正正享受到游水的樂趣，對著猛烈既陽光、身體沉在水中央、整個人無重狀態、沒有聲音、陽光折射直入水底，真的非常寧靜寫意！

全城陷入撲飛熱潮


現時大家既話題除了英格蘭、巴西全都打不入四強外，全城ｈｉｔ爆另一個話題一定係"你有冇軟硬既飛呀！？"
上一次開售我們已錯過了，今次加開一定要去撲飛啦∼
今早９．００到通利排隊∼嘩．．．哂唔哂咁多人呀！我都算早，比開售前１個鐘頭去到！在我前面起碼有２０人，主打多是ＯＬ，初時以為一定好多後生仔女啊，失望！

今日氣溫３０’Ｃ天氣酷熱，加上一滴風都冇，而且太陽猛烈．．．．ＨＯＴ．ＨＯＴ．ＨＯＴ．ＨＯＴ
好彩早有準備、扇一把、凍檸茶、紙巾同一路排住隊一路聽住阿ＪＡＹ既‘晴朗’！
真係好鬼熱，差不多１０點，另一位同事來接應，大家一齊排，終於開始發售。
大家都以為好快攪掂，點知佢地每次要放５個人入去，而且仲要另外派籌，我地只好耐心的等等等等！
１１．００到我們了，大家一心只想買＄１００的飛，可惜＄１００的只剩下單丁位，噢．．．有冇咁快呀!!原來個個人都好似唔洗錢，每人要１０張！！
唉．．．＄２００好貴呀！大家覺得排左成朝早冇理由一張飛都唔拎走架！最後我地由要１２張＄１００跟各朋友討價還價之後，只剩餘我地幾個願意（應是不想蝕底既心態地下）買了８張＄２００蚊飛．．．好肉痛呀！

星期5晚，德國ｖｓ阿根庭！這場精彩非常的球賽誰也不會錯過！
當晚所有直播世界杯既地方全都一早爆滿，插針都插唔入，好彩之後媽咪同家姐搵到一家酒家有現場直播。
個個人都十分期待，當球員埋門抽射，全場一齊叫囂，射不入球，大家又一齊大叫，最後射１２碼最緊張，入一球就拍掌歡呼，大家都沒有特別支持那一隊呀！
賽果是由主場之利的德國勝出∼

另外，當日約了芳芳ａｎｄ詩詩到板前壽司食飯，我地一早６點已經到，因為一定有好多人等位，我們入到去時已經有６成滿，差不多６．４５時出面已經要大排長龍了∼
食物方面都幾好，夠新鮮，不過，座位非常之迫迫迫迫．．．同食得急急急急急！

睇了芳芳既雲南昆明之旅真的好羨慕啊！我都好想有這種旅行既經驗，揹著背囊、坐火車、住民宿．．．真的好free，自己話哂事！加上，她們遇到一班自同道合，在旅程上加添精彩．．．．正呀！！

＜風雲變色＞
在左手的尖沙咀烏雲密佈，下著傾盆大雨
而在北角那邊則天朗氣清，陽光普照∼　　　
（公司會議室拍）

前一陣子報紙說香港人沒什麼禮貌，星期日晚我即時親身感受到了！

話說我們一行３人到“嘿痴島”supermarket大量入貨，大袋細袋，各人心滿意足地拿著２袋雜糧，準備出手揮一揮！
哈．．．奇怪既事發生了，正當我們企在馬路旁，旁邊有輛私家車的地，向著遠處既的士呼喚時，剛好有一位亞生，在他心口前咩著個天真漫爛的bady，跟隨後面還有他的太太。他神奇地在我們與私家車不到１ｍｍ的空隙迫出來，應是監生咇出來，分明截我糊！在他後面的太太都知道這樣做有問題吧！跟他說我們到另一邊截車。
當然啦，你操身大細，平時的我一定會拱手讓比你，車門都幫你開埋又何樂而不為。
可惜，你連最基本的禮貌都沒有，我不會理會你一家大細、有老有嫩．．．說一聲謝要死嗎？或說聲可否讓給我先，要死嗎？真的那麼難以啟齒嗎？
跟我禮貌說一聲，我即時１０萬過願意讓給你，真的令人為之氣結！
有時候都有好多持老賣老，操身大細，就務必要讓給你，沒有什麼是必然的，首先要人尊重，請先尊重別人，以禮待人！

最後，剛好有２部的士，我們才不至於開戰捍衛我既的士呀！！