| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2006 年 9 月 21 日 星期四  |
| 妙想天開 | 星期四晚跟一個舊同事聚舊，雖然大家long time no see，但沒有一點生疏，大家多從對方日記中略知一二！
她是一個比我少３歲的女孩子，由以往經常感情用事、專為一些微不足道感情小事而落淚，變成現在獨攬大旗，掌管半個department、思想成熟既女孩子。相信這幾年的經歷令她改變不少！特別在男女感情方面，由以前常耿耿於懷變得拎得起放得低，思想成熟了，但她樂天既性格依然沒變。
另外，最令我意想不到的是，她跟男朋友弄了一個愛的紋身！嘩．．．真的好勇啊∼
不過，只是她的男朋友紋了二人英文的縮寫在腳肚，而她只是紋了一粒星星，她笑說不敢冒這麼大的險，因為將來的事沒有人知的，而且紋身是一世啊！
我跟她說，你男朋友不怕後悔嗎？他不會，因為他不會令自己後悔的，哈．愛的宣言。他．．他真的深深愛著她，那麼有勇氣將她成為他永久的洛印，愛情真偉大，冧死人。
其實早前都有衝動弄一個紋身玩玩，一個小小的，感覺好型，但其實又怕，怕會out、不合時、退色、變形．．．最後當然沒有一回事了！
不過，真的真的想要一個紋身，可惜幾年後怕自己後悔，我真的妙想天開。
| | 刊登時間︰2006-09-25 02:33 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 9 月 20 日 星期三 |
| 甜到溜，甜到死！ | 
昨天在銅鑼灣買了冬甩，真係好好味呀！超甜的，超鬆軟，超好味
（本人喜愛既甜度，絕對可以引出一大群蟻出來同我爭食，
加上我對鬆鬆散散既甜品好有興趣）
新屎坑不嬲都係三日香，這間冬甩剛剛開將時日日都大排長龍，插針都插唔入！
見近日大家熱潮已過了，我即時闖入看個究竟。
他們都設有試食啊，仲要是整整一個，原裝一整個供人試食，絕對不是切到碎十十好似食左一口風咁！
明顯地就是他們的闊佬，才會令人買得更多，這就是生意之道。
不過，我見有好多學生都只是排隊試食，拎完之後就雞咁腳走呢∼
全店都是賣各式各樣，不同口味的冬甩，如果怕太甜可試原味。
價錢方面，一個原味＄１０，其他就要＄１２一個，每次為防止冬甩過完海再拎回家變左另一個樣，只好買６個吧！
實質是想食多幾個，基本上一個晚上都已經被我地消滅了。
正呀！
基本上三個已經有盒了，不論你買３個or ６個，都是用回同一個size既盒，超大個，而且膠袋也是用king size的，
真的好大，成個奶粉袋，好大個，左fing右fing呀！
CAUSEWAY BAY STORE 61-73
Lee Garden Road Causeway Bay
| | 刊登時間︰2006-09-20 04:48 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 9 月 19 日 星期二 |
| 應該開心嗎？ | |
跟據“Ａ屎nul神” 在９月中所作 “cindy真正年齡之迷”調查中，發現顯示有百分之80一致認同cindy樣貌老餅，跟家姐比較之下我反而是姐姐，她是妹妹。
又在另一項調查顯示，當cindy跟一班同齡的朋友比，得出既結論都一致認為，我比實質的年齡高出５年有多，成為眾人的大姐姐。朋友間開始出現一現象，有人開始用成熟了這個被美化的形容 詞，形容我這個張大嬸。
另外，在統計中得出一個令人意想不到的答案，佔有５個巴先認為我的king size彼薩面，有些微變細了一點。更有30個百巴先，認為我的皮膚比一個月前的爛面嵐變好了，至少不再生暗瘡，可惜面上還有不少洛印。
在這非官方而又權威性的調查，得出一個結論 － 我真的老餅了。
那麼，我又應該開心嗎？因為有人認為我瘦了點及皮膚好了。
我跟家姐，我是否看上去較像大姊姊呢！
我跟她真的似樣咩？自己唔多覺呀！
| | 刊登時間︰2006-09-19 11:23 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 9 月 18 日 星期一 |
| 真係好鬼飽呀! | 星期六，美食團再次出動啊！死啦，一定會肥死，日日係咁食呀！
先多謝芳芳姐請客∼真的謝謝你豐富的一餐韓國菜‘陷沙咪打’（翻譯：謝）比返個‘波波hair jak’（翻譯：錫鍚）你先，哈哈！！
今次我地經過重重波折，時間上既不斷既變動才做就了這次韓國美食團，因為這間店午餐跟晚餐既份量差不多，不過價錢就有好大的出入，lunch只是＄６０，而dinner是＄１２０起，真是天堂與地獄的分別。
食物當然冇得頂，每次想食韓國菜都必想到來這裏食，而且前菜可以任意添加，雖然是午餐，但份量沒有偷工減料，我地都食飽飽的！
多道前菜，每次都被我地食清光，雖然只是前菜，但絕對係用心之作。
石頭鍋飯，熱辣辣，正呀！！
| | 刊登時間︰2006-09-18 03:50 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 9 月 17 日 星期日 |
| 又食!? | 不知何解，不知那條筋，我地一家人想食美麗華商場下的自助餐。
一路都非常喜歡這間自助餐，因為對岩了我們的胃口，有人可能會覺得食物種類跟大酒店沒有得比，當然啦，地方有限，而且跟本不是酒店ｂｕｆｆ，未必滿足到些期待有大量美食在你眼前的朋友啊！不要期望太高好了。
Todai主打是日本壽司及海鮮，另外甜品不錯特別是梳乎利，真的好好味，每次都要食２個。
另外，今次我終於獻出人生第一次，第一次食生蠔，我成日都覺得滑潺潺！不過，今次的非常新鮮，容易入口，好味道！我都食左半打有多呀！
除此之外，當晚在我們不遠的一張８人圓枱，初時只有２個大隻猛男坐下，之後陸陸續續有２，３個筋肉人入坐，他們全都是穿著Ｙ字形的背心呀！嘩．．．正呀！手臂一碌碌，胸肌起碼位位４０，嘩嘩．．．勁呀！好有壓迫感，絕對有迫爆小背心既感覺。之後，終於坐滿成枱人，全部都是標準的健美先生，一舊舊肌肉放哂係到，Oh my god!!嘩嘩咿．．．張枱會唔會支撐唔到呀！
佢地真係令人觸目，唔知佢地食時有冇計住個卡路里來食呢？可能佢地食完會狂做guy。
Todai
地址：尖沙咀金巴利道1號美麗華商場地庫1001-3號舖 | | 刊登時間︰2006-09-20 03:53 PM [ 訪客留言(0) ] [ 編輯日誌 ] [ 分享至FACEBOOK ] |
« | 53 | 54 | 55 | 56 | 57 | 58 | 59 | 60 | 61 | 62 | ... | 76 | »
|
