尋晚終於有機會去食久仰大名既重慶火鍋勒！一齊既發生都係好隨興，可能就係因為隨興先可以實行到啦~本身只係同MILKMILK出大陸買"give"，不
過因為珍珍老公唔返屋企食飯，所以我可以乘虛而入，叫佢一齊去行街，難得機會嘛！點知個衰婆居然諗到話去食重慶火鍋wo~咁有佢帶路梗係去啦！因為我唔食
辣，所以要食煙鴦煲，佢個辣煲真係超恐怖呀！超多油，我地驚食左會疴呀，所以就but曬d油啦，足足but左兩碗食粥咁大碗既份量呀！真驚人呀！全餐最驚
人係條鯇魚呀！即劏即食呀，一條三斤既鯇魚，我地食左三分一呀！真係超甜、超新鮮、超好味呀！下次要再去食呀~
食飽飽之後去左珍珍屋企參觀，最吸引我既係佢個浴房，超正呀！我好想買個返屋企呀~有按摩功能同收音機功能家！好想要呀！
本身全程都好開心家，咁我去食飯之前買左個give，返到關口咪諗住攞番走人lo！我一早已經俾曬錢家勒，點知去到佢地話個give條鏈壞左，唔可以俾d
唔好既貨我地wo，所以叫我換個黑色，頂佢個肺呀！我全程係間鋪度都見唔到我原先睇中個give呀！好明顯係賣左出去啦~仲係度扮野，不過佢拎到個黑色出
黎o個陣我又ok鍾意wo，所以最後都係算啦~要左佢！不過以後我都唔會咁蠢俾左錢先勒~真係乞人憎呀！
 小海豚~我地好食重慶火鍋好唔好呀？
 梗係好啦~等我開咪叫齊人先~~
 未落料既煲  有料煲兼滾滾下~
 係個煲度but出黎既辣椒粒！好似座山咁呀~
 特別撈製既醬油  好大碟魚呀~~
 搖搖椅上的梁milk
|