今日係大年初三......
哈哈...我今日無同人鬧交BO...
琴日睇到CHAMI既日記 佢地真係幸福...
真係既妒忌又羨慕啦...
呢幾日唔多好彩 比太多一pair pair曬親...
真係好唔想見到情侶囉 唔開心嫁麻...
今日陪左嫲嫲去大嶼山求籤 支力到我丫...
哈哈 求左三枝...
第一枝係求健康 話我要小心飲食 唔好亂咁食野
第二枝就梗係求學業 話我只要比D心機就一定掂
第三枝當然就係姻緣啦 (呵呵 我最關心既都係呢樣姐...)
話D咩就唔講啦 總之就係好啦 承佢貴言啦...
嫲嫲D籤都唔錯 跟住我地去左食素...
雖然清淡左D 但始終都係好既(食一餐姐 無咩所謂啦)
之後去求左道符就返屋企啦...
P.S.今日第一次比人問我係男定女 超無奈呢!!!!
大年初一
本來應承左嫲嫲八點出去賀年 但我實在太眼訓喇...
訓到十二點幾先至出去 SORRY TO YOU!!!!
見到個個呀叔伯娘都好好口 笑到見牙唔見眼TIM(**<--就係咁既樣)
無計啦 要搵錢 要有多D利是丫麻...
好肚餓 但又唔想一個落去食野...
發生左D野好想發脾氣 真係XxYZ士多啤梨蘋果橙...
D人都唔知係咪夾定嫁 個個都拖男帶女咁黎喎...
連我呀妹都拖埋男朋友黎...嘩 你地想點呀???
你地帶埋自己個lover唔係一個問題囉我覺得...
最大既問題係你地擺個幸福甜蜜樣出黎囉 曬命唔洗咁出面喎...
又要個個問我:做咩唔帶條仔出黎呀???等我地見下都好丫麻...
算點丫???問下問下攪到個個都望住我 又問我係咪怕醜咁...
跟住開木台打麻雀 你又攬住 佢又拖到實一實...
攪到我狂打錯 輸左二百幾蚊 講真果句 輸錢我無所謂...
但佢地真係好唔知想點囉 同嫲嫲講我想走先...
佢又話:一年一次無所謂啦 你同D細路玩下囉...
唉 D細路得八九OLD 溝通唔到...
六點幾 忍無可忍之下 我帶埋露露B落街食野...
實在太肚餓喇 但又唔可以食太多喎...
食左個杯面就算喇 買左份禮物送比露露B...
返到上去 佢地叫我入去傾陣計 話有野想問我(都估到唔係好野黎啦)
以下係我同佢地既對話:(大概啦)
A條女:點解你個樣好似唔多開心咁???失戀呀???
A:邊係呀???表妹佢好多人追嫁!!!咪亂講野啦???
B:洗唔洗表姐介紹D男仔你識???我可以幫你!!!!!
B條仔:係囉...唔緊要喎~我細佬同你差唔多大 都幾岩你丫!!!
C:洗乜丫...睇佢個樣就知佢係煩緊同邊個一齊好啦!!!<--爆無奈 睇相佬??
C條仔:咪亂UP喇!!!上次我係MK都見到佢同個男仔行緊街...
A+B+C:下...唔係呀??點既樣嫁??佢地有冇拖住??定係攬住???
係以上既情況下 我竟然無發脾氣囉...(可能我D純情因素出左黎)
跟住C條仔就話:
果日好似係21號 係朗豪坊見到佢地既 佢地傾得幾開心!!!
表妹個樣勁甜蜜 行得又埋 我諗佢地差唔多一齊嫁喇!!!!!!!!
所有人:嘩!!!!!!!!!!有冇拖住先???靚唔靚仔嫁???
我笑笑口Up左幾句:其實佢只不過係我宜家八條仔之中既第六個之麻...
果日我同佢係戲院TOILET開左輪戰先去睇戲既!!
佢真係好勁嫁!!!功夫又到家!!!<--GET到我意思麻??
佢地O哂咀 真係以為VIVI我流嫁?想串我撩興我?呵呵 做多D準備功夫先喇!!!
未起清我個底就同我玩???我咪笑住同你地玩囉...
跟住食飯咁耐 佢地成班都無再出過聲...<--可能諗緊呀kwan有幾勁掛...
食完飯再打麻雀 oh my god!!!輸到傻左...
不過唔緊要 我條氣順左好多!!!!!!!++埋埋輸左五百幾...
打到十一點零 我自己飛的返屋企先...
沖完涼個頭未乾就訓著左LU...
大年初二
今次我好準時丫!!!八點鐘就去接嫲嫲...
第一站去蝴蝶村 同大姑婆飲早茶
嘩哈哈 佢封利是好似係單封五百 有2封...
第二站入去元朗 上左二叔公屋企
雖然佢地傾果D唔岩我傾 但我都坐係度聽佢地傾...
二叔公都二百一封 都幾多丫 嘻嘻
第三站去大澳 坐船出去 嫲嫲話我乖女 醒多2封利是比我...
見到四姑婆 佢個仔X左無耐 成個人瘦哂 行步路都浮下浮下...
真係鄧佢可憐 佢叫我地多D入去傾計 住番幾日都好...
應承左佢復活節入去住番排 無要到佢D利是...
最後一站去左西環 差D迷路呢...
細姑婆個樣好令丫!!!好似外國人啊!!!!!!
同佢食晚飯 姑婆煮飯好好味!!!!!!!!!
仲有飯後甜品tim...佢封利是係五百蚊封 但比左四封我
嘩哈哈哈哈哈哈哈哈哈哈!!!!!!!!!!!!!!!!!!!!!!!!!!!!!!!!
跟住同嫲嫲搭巴士返屯門 送左佢返去先...
我返到去都十點幾lu 玩左陣電腦就沖涼訓覺!!!!!!!!! | 
