今日晨讀 唔洗上早會 正
一返到去 梗係睇下占返黎未 點知佢今日遲左 或者我早左xdd
上到去 又見到牙妹啦 次次上親課室第一個女仔都見到佢的
跟住就晨讀啦 有報紙 可能要做剪報 點知真係要做
好快咁就過左晨讀 然後就上堂
第一堂 pth 今日上堂唔算好悶 起碼冇上次咁眼訓
搵日逃冇帶書 要同我一齊睇 慘 佢d動作真係唔係好正常
無啦啦痴埋去宇宇度話:hi= = 跟住又無啦啦痴到我勁埋係度睇我本書-.-
我懷疑佢係基的- -過左好耐 終於落堂
跟住一起立敬禮果陣 見梁sir 原來佢黎睇堂
黃sir就同平時好唔同 教書教得勁清楚 或者係梁sir係度 比到壓力我 比之前更加聽書
然後就落堂 梁sir講左d野 而家我覺得佢唔惡了 只係嚴肅姐
小息悶到嘔 日日都玩矮仔同牙妹 有少少悶
跟住就英文堂 要默 宇宇冇帶默書簿 seven
今次又岩哂 宇宇都岩哂 唔洗改 真係好
然後就好快咁過左兩堂
小息又係玩矮仔同牙妹 悶到冇野好玩T^T
跟住兩堂中文 呀sir係度講中史 不過譚sir講中史冇李老師咁悶
然後睇報紙 原來好多人都唔知xxx係咩 真係冇知識的
跟住lunch 同宇宇食 d送勁少 勁仆街
然後又上圖書館 係度睇本野介紹車仔
返到課室 嬲 妹應承過我話唔帶界刀同唔玩 而家又玩又帶 想點 心淡
仲要帶好多種唔同色既 帶咁多 想整彩虹?
睇黎真係忍無可忍 不過既然佢唔聽 我都冇辦法 廢q事理佢啦
原來帶界刀就有安全感 呢d係咩偉論 如果學校唔比帶界刀 你係咪照帶 原因就係要有安全感呀?
好啦 講番返學d野 跟住就上基教
宇宇比人叫左起身答野 答到好搞野
跟住有張野比我地tick
我tick左:濃密而有光澤既頭髮同埋瓜子臉
跟住想要既身高就係:183cm 宇宇就話佢想有200cm
我想重140磅 因為我而家太輕 希望遲d可以重番d啦
跟住腰圍我想要30" 宇宇話想要28" 笑死人咩 要兩米得28"腰?==
跟住宇宇想要其他要求 就係佢想要六舊腹肌 洗乜要咁多 一舊咪得囉xdd
跟住睇片 悶 然後火警演習 出去排隊
排果陣唔小心踩到十一號 sorry 冇心的
落到去 占話有個人好似莫文一 原來果個唔係
跟住黎緊果個至係莫文一 佢又係度笑
然後上番去 就放學了
肥仔又要出去 冇得陪我放學
真慘 要自己一個放 算啦 返屋企好快返到 唔洗人陪
跟住就返到屋企 走去開電腦 打緊今日既日記啦
打到而家 已經冇野好打 所以就唔講啦 88xdd^^ |
