好耐冇打日記,因為唔得閒,哈哈,而家仲笑得落,我真係好開朗,雖然我有陣時又唔鍾意講野

今日返到學校冇咩發生過,今日中文同英文派卷,爽到丫,英文預左唔合格,中文預左合格,兩科都係預料之內,所以冇驚喜

英文個死肥仔咁高分,成七十分,屌文本身六十九,加加下加到七十二分(好似)肥仔話佢合格比我同占打一拳,打果陣佢自己加多句,我冇話過我唔還手,我即刻停手,廢事比佢打

占真係估佢唔到,中文四十九,好彩英文高過佢,雖然唔合格,但係都可以串佢,真係好

今日有地理,個老師幾好啦,都唔惡,地理都唔算難,可能遲d勁難掛,不過我下定決心架啦,一定要拎到好成績

唔會衰比老師睇架!!!

回想過去 原來多麼美好

今日一早起身,見到個天咁黑,原來落雨,搞錯呀,逵運會至黎落雨,不過琴日已經跑左,今日唔洗跑

今日自己一個返呀,落到車,見到占,原來佢同我同一架輕鐵,不過佢係前排果度

跟住就一齊返去,返到去比周景成一腳踢d水踢落我度眼度,果陣勁嬲呀,玩都唔係咁玩啦,嬲一陣就冇事,我係個大量既人

跟住上台坐,要小心d,費事仆親,仆完實比屌文笑,同李宇軒一齊坐

然後就落去集隊,仲落左小小雨,點完名又上返坐,然後d人又跑,d女仔咁鬼勁既,不過都冇留心睇

跟住就lunch,去左7仔食,食完就返黎lu,嘩,見到兩個基婆拎住個飯盒你一啖我一啖呀咁鬼核突

又要去點名啦,麻煩,跟住屌文叫我扮紅社,我好乖的,唔會咁曳,哈哈

今日落雨諗住可以早d放學,點知仲遲左,冇得睇占跑三千米,好可惜,因為取消左呀

跟住就閉幕啦,然後放學,唔見左屌文,所以同郭森源一齊走,點知比佢昆左,要自己一個跑返卓爾居搭車,一黎到就有車

返到屋企,有人禁門鐘,我都知係果幾條xx,跟住開門比佢地入黎,同屌文打winning,我狂嬴佢,但又係衰收尾輸左,不過今次我專登^^

因為果陣已經好夜,如果我繼續嬴既話佢唔肯走^^然後就食飯,食完飯沖涼,然後玩陣msn,到左點幾先訓

原來占比人當左係狗呀,哈哈

今日學校逵運會,都幾精神,跟住同x文一齊返

跟住搵埋d fd搵位坐,跟住就集隊

然後就上番坐,企左勁耐呀,睇開幕典禮,然後就開發有人跑啦,睇到d人咁鬼勁,有d驚添,同埋今日未病好架,諗住唔跑,不過最後都係跑左,好彩唔係第尾

跟住lunch同占同x文去食,幾好食丫,跟住就返黎,又集隊= =跟住又上番去= =真係無聊

放學果陣又遲左喎,真黑人僧

跟住同x文,占,康行番去我屋企,同我打機.我炒左x文一鋪,小勝一鋪,可惜衰收尾,比佢嬴番鋪,跟住就係度打日記啦,打完,8

今日好早就起左身lu

跟住就玩陣電腦,都已經病左幾日,仲未好,真慘

所以媽咪同我睇醫生,食左d藥好番好多,仲有力黎打日記

由於病左,所以唔打咁多,88

今日好早就起身

因為占打黎嘈醒左我

今日又去屌文屋企,一點去到

今次我用曼聯,今次終於炒到佢,不過.....

最後比佢同占炒番,仲要炒到差唔多十球,真係慘

占終於病啦,傷風,跟住帶佢買雞脾,佢仲係度引我,最衰病左,如果冇病買番幾隻黎食

要快d好番呀,唔講咁多啦88