今日要早會 上左去擺書包

跟住早會 師母上台講 佢咁難得上台講野 我梗係要留心聽啦

跟住佢叫我地舉手比意見掛 跟住我就舉左 好合作

第一二堂都係英文 要默書 溫左幾分鐘咋 好彩合格 錯左一個

跟住冇帶log book 企左成堂

跟住I.S堂 ms law又冇返

梁sir代課@o@宇宇話佢成日望住佢 話佢好淫賤xdd

聽完笑爆 跟住pk中走黎代課 想比個開心既週末我地都唔得

跟住就中文堂 做剪報 仲未做哂

跟住就V.A堂了 同班人鬥忍笑 輸左 好彩佢地唔記得罰我 HEHE

佢講一大堆野 然後就放lunch啦 d野勁難食

然後兩堂V.A 慘 聽人報告 悶悶地啦

吳xx同黃xx比人罰企 一人企一個角落

跟住周咁為係度話佢地企係度仲笑 跟住鬧佢地 宇宇話好心涼- -

跟住放學 叫肥仔陪我放 太悶 等等下 見到黃震華生意失敗個樣 笑爆

不過有d驚 平時見佢好活潑 有咩都奸笑下 今次竟然叫都唔應 我懷疑佢比人性侵犯- -

跟住呢就要話車厘子 做咩o係日記串我- -我個柒到嘔都話靚= =

仲有呀= =你好想拍拖咩 叫羅x進同你拍囉xdd

仲有一件事 係夜晚見到人msn打左d野 估唔到有人為佢自己既愛人界手

其實呢 自殘唔係好方法黎 就算自殘左又點 你想你愛既人注意你多一點?

如果果個人係認真愛你既話 你就唔洗界手啦

唔好怪我多事 雖然唔係好熟 話哂同學一場 我都唔想見到身邊既同學自殘

算啦 都係唔講咁多 因為我個日記都冇乜人睇xdd

今日好好天呀 搞到成個人好精神

今日又晨讀 好鬼搞野

就係宇宇睇緊本世界唔知咩咩 跟住譚sir行埋黎同佢講"咦 正喎 咩書黎架?"

跟住宇宇比佢睇下個名 跟住譚sir就見到架飛機 就話"嘩 呢架勁呀"

跟我比佢嚇一嚇 細心諗下 果陣佢咁似細路仔既 跟住我就同宇宇係度扮佢xdd

第一堂數學堂 我好留心咁聽

跟住地理堂 默書 勁易 因為肥仔關收到風

小息走左去買地理簿 薄到爆 唔怪得咁快用哂

跟住英文堂 比ms fong訓話 話我地成日唔出聲 跟住我就好乖咁舉手答啦

跟住兩堂中文 唔知係咪比ms fong訓完話 又自己舉手答問題 答岩左 譚sir 唔洗咁客氣 因為我舉手果陣佢就話 唔該我

我就覺得 答問題洗乜要人叫唔該 阿sir太過客氣了 可能我少舉手掛= =

跟住lunch d野好難食 跟住同宇宇上圖書館 又見到蟹王 佢一跌野 笑爆宇宇

跟住pth 最怕上 一黎驚比人抽中 二黎驚比佢罰企 因為唔識答可能比佢罰

跟住班主任堂 狂睇黃秋生 笑爆 成日做埋d搞笑動作

點解會咁易睇到佢呢?因為今日調左位 繼續同宇宇坐 好開心 前面係吳亮儀 未來既日子肯定好開心

跟住放學勁準時放 不過冇用 要返果個班 果個老師扮cute 想嘔

肥仔有女啦 唔識人啦

不過有個問題 肥仔個樣咁淫 點解會有女仔要佢

今日晨讀 晨咁早就閱讀 不過閱讀I.S書^^

係咁背d位同功用

第一堂就係中文堂 d人話譚sir好燥 我就覺得佢幾慘 病左仲要比人激

佢仲講番大學果陣 佢連食飯都唔去canteen 自己煮公仔面同通心粉咋 真係慘

數學堂 又學關於三角形既野

跟住I.S堂 MS LAW冇返- -搞到我溫左添- -早知唔溫

鄧SIR代堂 幾好丫 好耐冇見佢LU

跟住比MS FONG拎黎上英文 問左我一條問題 好彩識答

跟住又係MS FONG堂 冇咩特別

家政 冇帶FILE 要罰企 不過MS LEE好好人 罰左一陣就坐得

跟住REPORT 我講左兩句就唔講 跟住到矮仔講 佢撥頭髮果下真係好型 果陣應該有唔少女仔比佢冧到(講笑)XDD

LUNCH果陣 見到莫文一鬧人 鬧到條友喊 果陣莫文一都唔係好大聲姐 喊咩姐 果陣佢仲大聲鬧我啦 又唔見我喊= =

最尾兩堂又係家政 整香包 莊文康整炎之劍- -思想果然好成熟- -

我整乜就唔講啦= =不過好過劍既- -

放學 同圓月將行左一陣 原來佢屋企超級有米@O@

今日都過得幾好 因為有好多戲睇

原來學校都可以係戲院呢!!!!

今日又落大雨= =

數學堂果陣都幾好天 過左一陣就黑哂天 唔洗考足球住

pe堂做體操 悶到嘔 碌兩碌就兩堂

英文堂 默書 岩哂 呢排成日默書

lunch 同宇宇一齊去課室食飯

比黃震華"老笠"佢比吳亮儀笑爆

最後兩堂 ms ling上 明明話調堂

點知又係上地理 難得譚sir返黎都唔比佢同我地上堂

地理堂係度畫圖畫畫下就放學

跟住去果個班 個老師都唔知係咪老師 咁廢既 佢唔識既就話我地冇做唔講

唉 點會有呢d咁既老師架 六百蚊咁就冇左

今日落大雨 不過出門口前冇雨

搭車途中至落 好彩有帶姐

比d雨整到條褲濕哂 返到去仲比占串添= =

早會上課室 好悶

第一堂 中文堂 譚sir例牌唔返

張sir代課比佢屈左七一果日出去升旗禮

算啦 我都想去既

跟住第二堂 又有人代課 果個唔知咩老師

占係度訓教唔理 我訓佢就係度嘈

跟住數學堂 test 好難 唔識

地理堂 要默書 本身諗住唔識 所以咪是旦up一兩個囉 點知岩哂

lunch 同宇宇上課室食 d野好難食 想嘔

跟住班主任節 玩果d測驗都幾準啵

放學 去剪頭髮 剪到勁短= =

慘 算 我d頭髮好快長番