剛剛看完 Keroro 大電影 2 不久，日本方面己公佈 Keroro 大電影 3，將會 2008年3月上映 ...

今次敵人將會是 keroro ?? !!!

今晚一次過睇左幾套劇 / 戲，首先係 TVB 強劍 大結局，睇完之後真係想揾野 "車" 落部 TV，簡直係 ... 垃圾 ... 低 B，邊 Q 個拍 ak，尤其是最後個一 part，真係火都黎埋，無端端做乜 Q 唱歌跳舞，真係頂佢唔順。我發覺 TVB d 劇，尤其是虛構古裝劇，一到大結局個集，亂 Q 咁黎，求其咁埋尾，真係想知道邊 Q 個唸出黎 !!!!

怒火中燒，於是睇左兩套 VCD <單身部落> 同 <性工作者十日談>，真係十分好睇，值得推介。

<單身部落> 就似以前個套 <豪情>，非常搞笑，套片很多床上戲 (不是賣弄色情的)，以另一角度去睇，睇下三位女角既感情生活。

<性工作者十日談>，係一套講述現今性工作者的生路歷程 同 心聲，其實我時時都覺得職業係冇分貴賤，每個職業都有佢既重要性，每個人都有付出，有自已既尊嚴 ... (李逸朗扮女人好正，再同鄧建泓既 ... 打車輪 ... 再進一步 ... ^o^)

如果要選擇的話，<性工作者十日談> 比 <單身部落> 好睇，因佢帶出了一些訊息 ...

今日上網 check 户口，發現自己一星期內洗左成 $1600 !!! Wa~~ 做乜駛左咁多 $$$ 架，唔可以咁架，我唸都要玩自閉一排，你地冇乜事唔好找我呀 ~~~ 電話都唔聽呀 ~~~

今日 lunch 時，收到個神秘電話，以我既直覺應該係有公司打黎找我見工，點知真係，不過唔係叫我去見工，而係請左我叫我返工，就係上次係 MK 個份工，上次見完之後，心唸都係唔得，驚做唔黎，不過最後都請我，人工 10K + 有 bouns，都唔錯既，其實我最主要係想學多 d 新野 同唔同既野 ，呵呵~~~

關羽 @ 赤兔馬

劉關張 - 挑園結義

K66 Shop

K66 睡房

NDS 太鼓之達人 提早左 2 日出，立即試玩先，之前有話要用 2 支 NDS 筆黎玩，我發覺原來係真的。

隻 Game 分三種難度 : Easy、Normal、Hard。

Easy : 用一支筆都可以玩到，冇乜問題

Normal : 用一支筆都可以接受，但一玩到 d 快歌就 ....

Hard : 用一支筆，理論上係玩到，但一定 miss 左好位 ... 所以我覺得要用2 支 NDS 筆玩，部 NDSL 一定要放係平面桌上 (因為你冇第三隻手拿 NDSL ... 哈哈)

隻 Game 一邊玩一邊送 d 飾物俾你，可以改變自已個樣，創造獨一無二既自已。

隻 Game 有好多歌，有 d 仲係好鐘意聽既，例如 :-

叮噹
Touch
Mario
交響曲
結婚進行曲
名偵探柯男
...

今朝大約 9 點起身，約左 suki 同 kimmy 去睇 <Keroro 大電影 2>，因為一定要睇日語版，d 配音正好多 (廣東話 d 配音評語勁差)，於是去左 又一城 AMC，都好多人睇，好多小朋友 (唔知佢地識唔識聽日文睇字幕呢...)。套片一開始原來播 keroro 幼年期先，好搞笑 ... 終於解開了點解 kululu 係黄色 ... 哈哈 (kululu 一出場，全場歡呼 ... 勁)。播完幼年期，終於播大電影，我覺得今集比上集好睇，搞笑好多，Tamama 同 Giroro 今次又要扮女人.... 哈哈。

睇完戲之後，就行一陣 shops，然後返 CWB 唱 K-Lunch，發覺冇乜新歌好唱，唯有唱首 <講不出聲>，再唱下合唱歌，男女聲扮哂，都幾搞野。唱到 4 點就冇得唱 lu ~~，之後去行下 Sogo。

去到 Sogo，睇下玩具，見到好多菓子盒蛋 (例如 ... 家電、廚房、日用品 ... )，見到個豬豬電飯煲，勁 cute，真係想抽番一個比我隻 sony cat。

之後經過 FX-Creation，唸住睇下 d 銀包 (右唸住買的)，點知見到寫住 <買一送一>，又見到個我啱心水，於是忍唔住買左個銀包再加散銀包 (Free)，唉~~~ 出血。

最後，去左 supermarket，我立即變身成師奶，周圍試食，見到邊到有得食，就行埋去，食左好多野 ... (有o架o里飯、泡菜、炒菌、香腸、茄汁通粉、日式糕餅、葡萄汁、日式甜醋酒 ...)

我部電腦昏迷了兩天，仲未知乜事起唔到身，唸住下午去砌部新野翻來。臨去前，再探望佢多次，點知搞下搞下，又起得翻身，仲好順暢，於是立即 backup 左 d file (其實冇乜野 backup)，見冇乜事，就唔去砌部新野翻來了，出街行下。

今日約左 "朱朱" 行下 298，順便格下價，萬一部電腦一睡不醒，就要換，計過大約 $3500，唉~~~ 出大血。

今日忍唔住買左條 4G 手指 (永久保用)

今日一放工就搭 MTR 落 WC，約左 導演 去行書展，因為佢有 pass，所以唔駛俾 $25 就入左場 lu ~~。今次書展好似比以前大左，我就買左以下 d 書 :-

 今晚一次過砌左 Keroro 同 Tamama Robt MK-II (砌得唔靚 不要見怪)