我間房有得裝修，於是就畫左幾張設計圖，唔知可唔可以咁整呢 ??

主要更改包括...

(1) 將床由錄架搬番落地下 (近窗)

(2) 床下加櫃桶

(3) 窗邊加個窗抬櫃

(4) 書枱側邊加個玻璃櫃 (下面放書，上面放模型 ~~ show room)

放幾張 TZ3 既相片先~~

Optical Zoom (1X) -- 720M / 500M Pixel

Optical Zoom (12X) -- 500M Pixel

Optical + Digital Zoom (48X) -- 500M Pixel

Optical + Digital Zoom (60X) -- 300M Pixel

今天一早 7:30 起身，食了一個熱狗包，就裝身打扮去見工，今次要去到荃灣有線大樓個邊，好遠呀~~，由西環去，足足用左一個鐘頭零三個字，算算快呢?? 原先約左我 10:00，點知早左成半個鐘，唔理，入左去先，但 Boss 仲未返，填完 form，唯有等。差不多 10:00，Boss 就叫我係放工前修改一下個現有既 webpage，一路做一路做，但最後都做唔哂 (真係有 d 唔慣改人地寫好既 program)，失敗~~ 唉 !!! 之後 Boss 就叫我等通知 (一個 week)。

(p.s) 當我踏進這間公司，就覺得係一間很好既公司，d 工作氣氛很好，見到 d 員工又年青，又有講有笑，簡直係夢寐以求既公司，但 ...都係唔請我 ak la...今次表現咁差，唉~~，請我就真係奇啦~~ 唉 x 10 !!!

好唔開心~~ 於是找了 Dicky 陪我去買相機 - Panasonic Lumix TZ3，周圍格價，但大部分都係 同價 $30xx，於是係 "有咩送" 埋手，最後係 <中原> 搞掂，但係冇藍色，咁又用黑色啦，有 2G Card, 代用電, mon 貼, 腳架, 原裝機袋，這部 TZ3 同我之前部 TZ1 d 手感有 d 唔同，可能個 Mon 大左，揸部機個手位 area 細左，但都 ok 好用 !!

2007 年 7 月 3 日 晚上

同平時一樣上 MSN，發現好友 Jimmy 係 MSN 個名寫了 "妹妹走了"，初時以為係他的妹妹要搬走或去外國，所以冇理會...

2007 年 7 月 4 日 晚上

同平時一樣上 MSN，另一位好友發送左一段新聞俾我，看完後，我個心就有些不安，心想不是係真的，亦希望不是真的，於是問了好幾位朋友，都不清楚乜事，最後有一位朋友告訢我們，這件事是真的，我都不敢相信，我們都立即去問侯 Jimmy，他都有回應給我...多謝關心。

"妹妹走了" -- 不是搬走，亦不是遠遊，而是離開了這個世界 ... (因抑鬱症而 ...)

雖然我不太識說話，但都給你一番話 : 希望你能夠面對，繼續生活，照顧家人，我相信你的妹妹在另一個地方都會守護着你們，加油 !!!

今天 ... 雨...雨...雨 ... 成日落雨，成個人冇乜 mood，我要太陽呀~~。

下午約左 "導演" 行 MK睇玩具模型，我首先去左 <兆萬> 一躺，睇下隻 <黑 Saber> 幾 $ 先，格完價，最後以 $115 成交，好野~~ 咁就齊哂 <正邪 Saber> ~~~。

Toro 貓 (轉貼)

今日 GiGi 去完泰國回來，你記唔記得我要乜手信呀 ? 我真係認真想要 ak ...

P.S.

決定以賤價放左我部 DC 俾個 fd，再買部新既~~ 唉~~ 個價真係好賤 (原價 3 折)

今晚又係一年一度既~~ 唔係~~ 係一星期一次既飯局，今次有好耐冇見過既中學女班長 ... 唔記得乜名啦~~ 叫住<icemoon>先。之前我都 15/16 去唔去食依餐飯呢，因為好驚收到她的紅色炸彈，因為她就結婚，萬一收到又要俾 $$$ ... 講笑啫~~ 就算收到都會去既~~ 我地係同學+朋友 ma ...。

今晚大致上既話題都係講下 d 近況，又講下其他舊中學同學 d 近況 ...等等，睇下有冇機會約出黎食飯 (嘩~~ 咪好多人)。差不多食完，又一舊同學 <Johnny 鄧> 突然出現 (其實係我約 ... Superise !!)，之後又係講相同話題，哈哈~~。食完 dinner 後，成班男人去 snooker，<icemoon> 就孤怜怜自已返屋企 lu ~~~ 慘~~~~(有機會下次送你 ... ohoh~~)。

今晚終於睇隻 <十分愛> VCD，期待左好耐，初時以為係接住 <獨家試愛> 個故事，原來唔係。估唔到，今次 alex 的戲份很少，stephy 很多呢 ...，今次故事既感情真係錯綜複雜，真係好似現在 d 人咁。最好最親密既朋友，未必真係最好最親；有時一殺那見到既野，未必係真。估唔到睇到最後，結局竟然係咁 ... 同<獨家試愛> 差不多。

唔通愛情只係一場遊戲，一種掩眼法，你呃我，我呃你，看到既野未必係真，係真既，你又未必幸運地看到 !!

今日上網又見到新玩具 Sony Cat -- Toro (白) 同 Kuro (黑)，又增加想買佢番屋企既衝動 !!!

今日終於出太陽啦，於是又落左 WC、CWB 睇玩具，見到出左 <Sont Cat - Toro>，好想買，但好貴 $105，有 d 唔值，都係等平 d 先買~~

今晚提早父親節，去左 <明星海鮮洒家>，第一次去食，見平時好人排隊，就試一下。Book 左 8:00，但去到仲要等，好多人，我地原本想叫 set dinner，但都係 d 例牌餐，於是改叫小菜，叫左 <片皮鴨ニ食> <黃瓜燉湯> <芝士蝦依麵> <通菜> ...，食得好飽，8個人，埋單 $720，抵呀~~~。

今日 day-off，一開電腦，竟然 load 唔到 window，悶機開機五六次都唔得，safe mode 又按唔到，唔知發生乜事，好驚個 HDD 又出事，d data 未 backup 嫁~~，最後拿隻 install 碟去 load，發現隻碟 load 緊野，但個 mon 冇野睇既，我估知發生乜事了，立刻悶機，拔張 display card 出黎，再插，yeah ~~ 搞掂 !!! 成功進入 window，一切如常，以防萬一，都係 backup data 先，哈哈~~。

食完 lunch (今天食粥+炒米粉)，去 bank 入票，之後去屋企附近 d 酒樓睇下 d dinner menu，睇下父親節去邊度食先，最後決定去 <明星海鮮酒家>，開左咁耐，都未試過，平時又見咁多人排隊，應該唔錯。

今晚星期四，又係 <男人之夜>，約了一班中學同學去 Wan Chai 食 Dinner，去左 <老地坊>，因為樓下冇位，唯有上樓開張 8 人枱俾我地，樓上得我地一枱，好似包左場咁~~~ 哈哈。食得好飽，每人都只係 $42~~。

食完 dinner，搭巴士落番上環 snooker，去之前買左支 <雪碧 Zero>，入左幾啖之後，飲唔出同<雪碧>有乜分別，味道一樣 ，點解叫 <Zero> 呢??? tell me why ???

今晚中左六合彩呀~~ 一生人第一次中獎有 $$$ 收，不過中三個字，得 $20，買$20 得 $20，即係冇，唔緊要，已經覺得今次很好彩，下次一定有機會中。
(P.S 搭巴士時，係座位度執到 $1，真係 lucky~~)