今日放工返到屋企，睇下報紙，先知原來九龍灣開咗大型 shopping mall <MegaBox>，仲要開左一星期 tim~~，有 d outdated tim ... 哈哈~~。不過都係唔去住，等佢開哂 d shops, 食肆, 娛樂先去，聽聞有成 30 間食肆...正 !!! 邊個有空陪我去呀?

今日 news 發生好多事 ...
(1) 360 吊車跌咗落街
(2) Polyu send 錯 成績單俾 student (A君result->B君 email; B君result->C email ...)
(3) Megabox 食肆無牌經營
(4) 女學生係學校拍丸

今日睇 U21 英格蘭 vs 捷克，好悶，0-0 完場

今日終於下大雨了，好舒服，訓到 12:30 先起身。食完早飯後，原本想去街行下，不過又落大雨，唔出 lu~~，於是一口氣睇左套搞笑既動畫 <我們這一家> 既 2007 電影版同 TVB 版 1 至 5 集。一邊睇一邊笑，尤其是花師奶，成日唱 <別怪他> ... ~~別怪他 別怪他 別再傷心對吧 從遇見的一剎 是捉緊了嗎~~。

花師奶

出生於九州， 不管多小的事情都會拼命去做， 個性超認真的，也很固執。基本上來說是個小氣鬼，非常討厭浪費，能用的東西都會繼續用，甚至想拿舊窗簾幫女兒做裙子…。每天都過得很幸福，很容易滿足的人。

花爸

出生於九州，不愛說話，對什麼事情都提不起興趣，老是我行我素。其實他總是看著媽媽的怪異行為偷笑。怪癖不少，常常廁所門開著不關，或者撿一些怪東西。也是個每天都過得很幸福，很容易滿足的人。

橘子

平凡的高中女學生。有很多夢想，也很愛作夢。老是為了一些小事跟媽媽鬥嘴。就像時下的高中生一樣，也愛漂亮趕流行。

柚子

中學生，小橘的弟弟。個性害羞，天真淳樸。老是因為媽媽和姊姊神經太大條而心理受創。

今日下午又約了好朋友 - 肥 去 SSP 同 MK 行模型鋪玩具店，經過一間公仔店，見到有花師奶公仔，有大中細，$2x-$6x，雖然知道係翻野，但好得意，好平好想要，不過最後都冇買 (男仔買公仔俾自己係唔係好怪呢 ??)，途中經過一間 7-11，有個扭蛋機好得意，用左 $10 抽中左 <正露丸> 同 <宇津救命丸> 手機繩，哈哈~~。

去到 MK ，又見到套 Q版 蜘蛛俠 扭蛋，好想要，但好貴呀~~ 一隻 300 yen，駛唔駛賣成 $4x-$6x 呀~~，最多咪 $20 隻，真係想立刻飛去日本去扭，哈哈~~。之後 肥 又要趕住返去同 d friend 遊乾水，我就孤令令番屋企 lu ~~。