2007-05-13

婆仔走咗喇,收到依個消息,心情跌落谷底,而家先知咩叫遺憾呀!之前成日都話一齊去睇佢,一次推一次,而家唔使推喇,一個慈祥嘅老人家,就咁就離開咗我地,真係好唔捨得呀!聽講佢走之前都幾辛苦呀!希望佢去到另外一個地方會開心啦!

診所又有人走喇!我好小篤人地架,不過今次真係忍唔到佢喇!一辭職就唔做野,仲走去厠所煲煙,我覺得我老細好似覺得係我迫走佢咁,佢可能以為我迫走佢會介紹啲人嚟做掛,唉!佢放心啦,依份工邊個會想番嚟丫!

媽媽喺大陸番嚟,講咗啲我唔想面對嘅野,仲話要我下次上去喎,我都唔知點好,因為好驚呀!依幾晚都訓得唔好呀!