今日一返到去西街『Laser』

佢地D人個個都話無收到通知

話會有『笨蕉食提子』浦毛打落黎企

有條仔仲要勁叉串話呢度無貨

我返黎都係齋企咋喎！態度超差

跟住我咪打比阿Chris講清楚囉

到最後我終於可以繼續企

但D sales 態度同眼神都話左比我聽

覺得我都係齋企，唔會出到機果種

連貨都唔Tran過黎比我賣喎！

好好彩無幾耐我就出左兩部機

佢地仲要係我賣一部先Tran一部過黎

擺多幾部機響度都嫌阻定咁款

但佢地實在太過現實喇！

我出左兩部機之後開始同我講野

態度先至溫柔返少少對我.........

除左果條淺金髮矇豬眼之外

無啦啦話我仲乜擺支水響袋

我心諗：關你撚事呀？！柒頭

八點藍毛俊同杰仔響門口等我放工

之後陪左我去商務買『下課後，怪獸家點名』

有好多結他樂譜同音樂心得+CD Rom，正~!!!

跟住去左旺中機鋪打陣機等阿盈收工

點知響機鋪比我撞到阿Paul呀！

原來佢而家無做SE轉左去做Mo仔

仲話我知想見SE其實可以上網留Mgs

我諗萬一我真係唔做都可以有條後路

等埋阿盈同Andrew成十點，頂！

之後就去鬼左漢和食韓國燒烤

其實我都無乜食野，只係當吹下水

講下洪爺壞話，講下大家將會搵咩工

同埋我一路食個心就好想快D食完返屋企

原來我真係鐘意一放工就返屋企果種人黎

尤其第二日仲要返工，諗起就想死！