|
＊－．－．－．－．－．－．－．－＊
＊－．－．－．－．－．－．－＊ ＊日誌分類＊ ＊－．－．－．－．－．－．－＊
＊－．－．－．－．－．－．－＊ ＊好網連結＊ ＊－．－．－．－．－．－．－＊
＊－．－．－．－．－．－．－＊ ＊Blog Pet＊ ＊－．－．－．－．－．－．－＊ | ||||||||||||||||||||||||||||||||||||||||||||||||||||||||||||||||||||||||||||||||||||||||||||
|
今日第一日返去『Laser』 得我同Mo仔兩個蒲毛打 果個 Shop Man 阿Ken 都幾煩 我都出名好笑容係開心果一名架啦 佢竟然叫我多D笑容對客喎！ 我覺得多D笑容果個應該係佢至真 成日都黑口黑面好似死老豆咁款 到佢笑果陣又假到嘔，真係好假果隻 笑到咁嘔心好勉強，不如唔好笑啦！ 但係佢有時又好似無乜野咁喎！ 又叫我得閒幫下手招呼客人 等自已企成日都唔洗咁悶喎！ 我都完全諗唔明佢係點構造架！ 五時花六時變，情緒化到得人驚 四點老公走過黎搵我食Lunch 哈哈！其實都唔係Lunch咯！ 我又無食早餐，搞到我四點先食餓死人 食飯果時打比Chris問清楚點解我要收九點 因為我平時收七點架嘛！無理由要返多一個鐘 點知Michelle又打黎話無理由會返七個鐘咁少 我就同佢講我返左年幾都係七個鐘 佢竟然唔係好相信我既說話喎！激死我 我咪叫佢問阿Wind或者Mato囉！ 最終佢都問左我真係返七個鐘頭唔係吹水 但佢就話公司其實係要返八個鐘 所以我下個月開始都要返八個鐘...........唉！ |
2006 年 5 月 3 日 星期三