|
＊－．－．－．－．－．－．－．－＊
＊－．－．－．－．－．－．－＊ ＊日誌分類＊ ＊－．－．－．－．－．－．－＊
＊－．－．－．－．－．－．－＊ ＊好網連結＊ ＊－．－．－．－．－．－．－＊
＊－．－．－．－．－．－．－＊ ＊Blog Pet＊ ＊－．－．－．－．－．－．－＊ | ||||||||||||||||||||||||||||||||||||||||||||||||||||||||||||||||||||||||||||||||||||||||||||
|
今日Michelle打黎叫我聽日去尖嘴 仲要係尖沙嘴海洋中心喎！ 我就同佢講話我出尖嘴好遠啦 佢答我：『旺角同尖沙嘴差少少咋嘛』 我聽到真係好想打實佢條八婆 每次都話唔係好遠......等等無謂答案 佢究竟係唔係人黎架？真係冷血架！ 我要塔兩程車架！每日要多成十蚊車錢 我出旺角寵物街落車行去地鐵站都個幾字啦 出到尖嘴行去海洋中心又成兩個字 加埋多撚左成半個鐘啦！ 仲要係我而家係返緊深水埗而唔係旺角 搞到我而家係超級唔想做辭職走人 大佬呀！剩係塔車食飯已經係我人工一半 仲要比家用屋企，份糧都無Q哂 我不如響自已屋企樓下搵份五千蚊工 起碼我唔洗塔車，食飯可以返屋企 剩既錢咪仲多~時間又慳唔少喎！ 而家諗住問返Michelle係長企定暫時 講哂我既苦況，同我哀求佢調返近D 但如果佢依然係咁冷血既話 我就會問人拎大老細電話 直接問佢係咪升我職，係就繼續等 唔係既就同佢講辭職唔做 最好佢就問埋我點解唔做咩原因 我一定會講哂之前馬鞍山、沙田既野 咩三程車，每日$60車費，返多左時間 但又無加過任何OT既所有野 返工都係為搵錢，但搵唔錢返黎做乜？ |
2006 年 4 月 28 日 星期五