今日阿俊無返工射波

唉~!!!又多一個唔做喇！

無左阿俊響度好悶又無人幫我出機

要對住洪爺同阿米高兩條友

果個Nelson又返左黎

擺到明又同我爭食啦佢！

佢自已又白痴喎！走黎同我講人壞話

佢竟然同我講有個客問隻機收音清唔清

阿Mark就同個客講話收得好清

Nelson就猛話佢痴線，搞到個客返黎爆鑊

話人地唔應該咁講，爆鑊又賴佢......

我就同返佢講，你要賣到機就梗係咁講啦

唔通個客問你清唔清，你答唔清叫個客唔好買呀？

人地幫你賣埋機唔該都無句，態度又差

跟住我將佢同我講既野講返比洪爺聽

其實我係特登既！原本都唔係咁憎佢

但佢已經得罪左我，我咪煽風點火做走佢囉

做得呢行過份認叻自大係死穴

之後Yo Yo打比我話有兩隻機比我抄

話唔會比Nelson剩係比我，原來佢又好憎佢

我地入左廁所煲煙傾，佢話之前企53無出過機

當面鬧Nelson無生產能力，第二日出左四部

特登同Yo Yo講係佢個場唔得，唔關佢能力問題

食屎啦！佢果日果四隻機全部都係我出架！

夜晚安仔過黎笑住口望住我

話係咪有個傻仔同我講阿Mark壞話

哈哈！Yo Yo 同我唱通街個個都知

安仔話佢果度有機比我抄喎，

但我話Nelson企6號鋪我唔好意思過去抄喎

安仔就話條友都無做過野，點解要比佢抄

以後有機都剩係比哂我喎 ^^