YEAH~!!!!!今日一返到公司

洪爺同我講話趕走左Nelson喇！

話Nelson一返到公司佢地就嗌佢走

仲打左比Michelle話果個相機promoter

態度禮貌都好有問題喎！唔想要佢

哈哈！真係心都涼埋囉！佢終於唔響度

最重要係比Michelle知道左佢態度差嘛

好在我平時都好識做，會唔該前唔該後

放工同老公去左油麻地買漫畫

之後就行過去信和度又係睇漫畫

見到本『甜點王』好想買呀！

雖然我平時唔會食甜品又好怕食甜野

但我覺得本漫畫畫既甜品好吸引

但老公又話另一本講好多唔同食品仲好睇

但有成三十幾期喎！我覺得唔係錢既問題

而係屋企仲有無位既問題囉！書架都爆棚

我成日行書局得閒又買兩本，行漫畫店又買

之前去宜傢買既架！都放得七七八八喇！

行信和睇埋有無個NDSLite既套

果個人話星期一會返貨喎！好野！

順便買埋隻腦力Brain Age呀！

真係幾好玩，第一次玩我個腦有成80歲

而家玩比較同我真實年齡接近，係24歲

行完街同老公去左『夏雪』食日本料理

我實在太過肚餓喇！食左好多野呀！

雜錦天婦羅加一碟咖喱雞翼、一杯『有點醉』

一盆Crazy Love既壽司拼盆+刺身

食到超級飽飽飽，但我覺得杯『有點醉』唔得

陣味好似我細個飲既橙色貓屎味藥水囉！

仲有：見到兩個傻佬響條街賴型影相

同埋落好大好大雨呀！趕到最後一班車