今日一返到公司比來哥調左我去6號

佢話今日有個新人企87 train 喎！

唉~!!!要我對住果個阿Mark同安仔

我最憎就係佢地兩個，尤其係安仔

今日超靜，果度成四點鐘都未開過單

之後阿Mark出左隻mon就開始得戚

同我講話我仲未開單，同我做我交易

話如果我今日出左三部E53+就比多三部我

我心諗收皮啦！想我幫佢跑GP咋嘛

係咁容易有三部就唔洗同我deal啦！

更何況我一返黎阿俊已經比左成十隻機我啦！

OK~Fine！咪聽住先囉！出到咪出囉！

再晏少少條友又開多張單後，又黎話我未開單

痴Q線！成間鋪先開得果四張單，係咁摔我數

家陣佢老幾呀？自已出多十張單先好同我講野

佢剩係出mon我都得啦！咁多人黎睇mon

但無人睇手機同相機丫嘛！呢度電腦場黎架！

梗係睇電腦週邊既產品多啦！

佢咁勁又唔見佢出部DC或者手機我睇！

今日真係慶上加慶，果個Nelson

五點鐘返左黎即企87號鋪

佢竟然同來哥講話老細叫佢企87

食屎啦佢！明明係叫佢企6號

梗係佢本身都唔鐘意企6號

又見上次響87我幫佢出到幾部DC

所以昆阿來哥話老細叫，等自已可以企果度

我唔理呀！我一定死都霸住87架喇！

叫我企6號，NO WAY~!!

好睬阿俊同來哥講一定要我企87姐

跟住來哥就叫Nelson聽日開始企返6號

響廁所同阿盈煲煙吹下水

佢話今日阿俊係咁響Nelson隔離講

我有十隻機，但剩係比粉絲架咋

唔會比其他人，我地87剩係要粉絲就夠

阿俊真係好唔鐘意Nelson囉！

佢特登講呢番話比Nelson聽

阿盈仲話阿俊講完呢D野Nelson就黑面

佢都幾犯眾憎囉！6號D人都唔想佢過6號

個個都唔要佢呀！我諗佢真係要收下把口咯！

今日Eric果邊得四個人

比人編左要食十二點半

搞到我今日要自已一個人食

但係我食食下突然有人嗌我

原來係Gucci俊同Carman喎！

又係呢兩傻丫！搞到我都幾開心

佢地話我聽閃電響澳門得罪左人

私下收左四家禮茶，但就得一家生意掂

另外果三家唔高興，響開門既時候等閃電

拎哂傢生話要斬閃電.......都幾抵死囉！

 Pink 最新 MV『 Stupid Girls 』

 諷刺 Paris Hilton、Jessica Simpson、

 Lindsay Lohan、Britney Spears

 按圖觀看 MV