首先返上寫字樓拎野先

同阿Michelle、阿Wind一齊

我問Michelle有無機會叫五月天簽名

佢話會好多人，無時間架喇......

跟住我比左隻CD叫阿Wind幫我

叫五月天同我簽名，佢一口就答應左

Michelle 真係好無人情味囉！

之後我地就趕去Chic之堡現場

我仲以為去果度係賣野

點知個臭八婆係要我派傳單

又話派一個鐘就得，點知派左兩個鐘

仲要落好大滴雨，佢都唔會叫我唔洗派

又要指我點派點派，真係洗人唔洗本

當時真係嬲嬲地，直頭企響度唔派

叫我幫手連唔該都無句，老馮既語氣

都係阿Wind好好多，起碼人地有禮貌

現場好多五月天既歌迷好瘋狂

又大叫大嗌同一齊唱『戀愛ING』

其實個場面我係五月天都會覺得幾感動

完場個八婆仲要我拎兩大袋野

五月天既簽名DVD同Poster

仲有一塊大板叫我拎去旺電

佢真係痴撚線架！自已又唔做

好睬阿Ben有幫我拎塊板姐~!!!

我返返去現場拎返個袋，

佢就一支箭咁走鬼左唔知去邊

隻CD就留左響阿Wind度

佢話幫我拎唔到五月天既簽名喎！

仲同我講唔好意思~~嘩！

個態度同個八婆完全相反，好幾多！

之後返返 Pro Shop 都成五點

飯都無食過就繼續做野喇！

87 多左個 DC promoter喎！

所以我出左幾部相機都比哂佢開

反正我自已仲有十幾隻未報過

今日七點鐘就收工走人

去返MK同老公食晚飯先

之後去買我一直買唔到既Mask

再去新世紀既大眾買左三本書睇！

十點去嘉禾睇『深山大屠殺』爛片

呼~!!! 周身骨痛好辛苦

隻手又發軟，個膊頭超酸痛

個頭又頭左半日都唔知想點？

呀！今日高登樓下仲見到 Niko