|
＊－．－．－．－．－．－．－．－＊
＊－．－．－．－．－．－．－＊ ＊日誌分類＊ ＊－．－．－．－．－．－．－＊
＊－．－．－．－．－．－．－＊ ＊好網連結＊ ＊－．－．－．－．－．－．－＊
＊－．－．－．－．－．－．－＊ ＊Blog Pet＊ ＊－．－．－．－．－．－．－＊ | ||||||||||||||||||||||||||||||||||||||||||||||||||||||||||||||||||||||||||||||||||||||||||||
|
今日有對大陸情侶好乞人憎 成日都問有無野送有無得平 頂佢個肺丫！勁煩住哂！ 又唔係買好多野喎！果兩千蚊！ 以為自已係大客咁款~~ 人地買部37吋成萬幾銀都唔講價啦！ 今日Lunch過左去鴨記買電池 一行到過去好多人嗌我個名呀！ 豪哥、賓哥、阿泰.......都不斷同我吹水 其實真係幾開心架！好懷念果時既日子 之後過去對面搵我果舊電池既時候 又撞到 Keiko 喎！原來佢真係響 Top Way 見到佢即刻拖住我隻手sales客 D人唔知真係當左我地係Les都似..... 佢D同事有幾個都認得我既 都好出奇點解我會識 Keiko 呵呵~!!!以後如果得閒可以過去搵佢吹水 放工老公過黎公司接我 佢終於都同阿俊相認返喇！ 同阿塔里Jack、阿俊玩左一陣後 我地就真係走人去旺角睇戲 原本諗住睇『深山大屠殺』 但我覺得會同德州差唔多 唔睇都大約估到個故仔點發生 總應該會係爛Gag片果隻 所以都係揀返套大片『案內人』 起碼有影后《茱迪科士打》 同影帝《丹素華盛頓》先啦！ 我覺得真係好正，故事超掂呀！ 好睬無睇到果套爛片姐！ |
2006 年 4 月 2 日 星期日