成日都好靜無人無生意

可能係個天氣又潮濕又落雨卦？

但就撞到好多識得既人喎！

阿Wind又過左黎一陣

傾左兩句計佢就去左搵阿Jack

之係阿Ken、Irene、Stanley一齊黎

Irene 好出奇點解我會出現響Pro Shop

係正常既人都覺得我無奶油會響呢度

不過又係講左幾句野就Bye Bye啦！

臨放工又見到一個勁眼熟既人

佢又係記得我叫咩名

我又係諗極都諗唔起

佢同我講佢以前做『落仔呀』

我就話：「哦~~我記得喇！」

其實.............我真係無乜印象囉！

但佢走左之後我終於都記得佢係乜水

果時我地成日同Niko、Leo一齊去越興園食飯

佢經常性吹水唔抹嘴，又愛絃耀自已果位

成日乜都唔識唔知，但又要扮識果種人

今日仲不斷踩我既『笨蕉食提子』

我都費事同呢種人argue落去啦！

我覺得當佢見到部真機既時候

佢就會知道自已既諗法係完全錯誤~!!!

好討厭~~又比我遇到果個百厭星

上次塔巴士條o靚仔係咁搖我張椅

又成日嘈生哂，又踢椅又頂住我

今日又係坐我後面，真係想煎巴佢

但佢阿媽都有出聲鬧佢，不過佢唔聽

佢阿媽都鬧佢咁我就算數啦！

如果佢阿媽都唔理我就會幫佢教仔喇！

但好唔好彩，屯門公路撞車塞左好耐車

比個死o靚仔搞左我成個幾鐘頭

千祈唔好比我再到佢兩母子！