哈哈！今日返一點放六點鐘

實在太好喇！唔洗點做野咁

Lunch仲去左Westwood買左對耳環

放工同老公去左間英文書店睇左一個鐘

好多書我都覺得好正，最後買左

『This book will change your life again』

之後就塔的士去紅館睇★五月天★

真係好多歌迷都著紅色衫同藍色螢光棒

望落去好似一遍紅海

成場藍色螢光棒真係超靚呀！

中段有陳綺貞同周華健做嘉賓

好多歌迷又頭到尾都係企響度無坐過

周華健就話：下次減廿蚊，因為唔洗椅子

最搞笑有一度連麥兜都出埋黎

仲一齊唱左首"春天花花幼稚園"添！

各地歌迷都好熱情同好合作

又玩人浪又玩鬥大聲嗌......跳舞

有一度好多人以為散場時

五月天又揮手之後走左去後台

但個場仲有播緊音樂，歌迷又大聲一齊唱

果part都幾Touching果喎！

唱左幾分鐘五月天又再次出場咯！

唱多幾首歌就真係Ending完場喇！

字幕嗚謝都出左黎，燈都開埋

但好多人都有嗌Encore丫！哈哈

五月天走出黎叫技師團唔好收音響

話同老闆傾過可以再出黎唱多首溫柔，

十幾分鐘Encore就罰左十五萬喇！

總括黎講都好開心，我都越睇越投入呀！

完場走人既時候仲見到小范同阿Wind