今日又試下打比果兩隻野

又係話No Service同留言

咁我就好肯定佢地都唔響香港

所以我決定左星期日一定射波

因為我實在太唔想返呢度喇！

打比老公叫佢出黎等我放工去睇戲

到八點阿Ken走過黎同我講我夠鐘收工

到我走果時又同我辛苦哂唔該哂

搞到我有D受寵若驚呀！唔係好慣囉！

平時會搵人亂咁鬧人既佢竟然講野咁客氣

放工去左意粉屋食Pizza又打下機

同埋去左大眾買左兩本《雲海》既書

十一點左右就去睇『職業特工隊3』

今次好睇過上一集勁多，場面驚險少少

不過究竟乜野係"Rabbit Foot"呢？！

今日好多個 "阿俊"打比我..............

首先係『名牌俊』打黎，但係Carman聽

原來係問我任天狗點樣洗Save喎！

又會咁搞笑而家先黎玩任天狗既？

我相信出到街都好難會連到其他狗主喎

之後『藍毛俊-交先生』又打電話黎

佢話約我去食飯，我以為係Lunch就答應左

點知佢係話阿盈想同我食Dinner喎！

其實我一向都唔鐘意放左工約人去食飯

我寧願一收工即刻返屋企果種人黎

不過是但啦！阿盈同我都係放星期一

所以一定要放左工先可以約埋去食飯

但我放八點，佢放九點呀！要等佢一個鐘

阿杰同藍毛俊一齊，就順便同阿杰傾左幾句

最重要係叫佢粉腸還錢！