下午一點鐘去百佳買水,Then去商務搵媽子,點知撞到阿棠,咁我地三個咪一齊囉~~

首先陪阿棠去7-11交後陪媽子去街市買野食,買完細佬打黎話全世界等緊我地,叫我快d去"太和火車站大堂"搵佢地....我同阿棠一支箭咁行過去....

去到拿拿聲入閘去"大埔壚"搵阿冼佢地,然後一齊去"大圍美林村",今日食左藥,好眼訓,成日都冇心情```

由於太眼訓既關係,三點幾同細佬和Carman走堂,阿冼,家樂和小金魚都走堂,得返爸子同阿棠堅持留係度,我地自各走人,我地搭火車返"吉野家"食下午茶,好肚餓=0=""

食完去左昌運陪細佬買波褲,買完後係大中行街,我好想買冬天衫呀,不過去完Camp先買啦~~

去到買飾物鋪,見到部夾公仔機,記得上次細佬話:下次夾隻公仔比家姐仔你先~~於是同細佬講,佢真係"唱"錢夾,大約夾多幾次就夾到隻貓公仔,我諗住叫細佬夾Micky,點知夾左好多錢都夾唔到,唉!!!

我同Carman都有"唱"錢夾,但夾極都夾唔到,算啦,話唔定下次好運d夾到呢,要各好既方面諗```

六點幾返屋企,細佬同Carman送我返屋企,姑姐今晚黎左,好開心呀,佢話我醜樣左,嘻~~

P.S.:細佬將佢夾到既公仔送左比我,呵....

        佢仲話下次夾過比Carman,好,我都要送比佢,一齊努力啦!!!

一點幾同媽咪出去"大元"食飯,食完飯媽子打黎問我:睇唔睇戲~我話:唔睇啦~~於是約左係大中等~~

係大元行到富善街,媽咪話買過對涼鞋比我,好夜,終於有多對新鞋著,嘻@w@

買完約左細佬同爸子係富善街對面條馬路等後去大中搵媽子....

搵完媽子一齊去超級城既百佳買野飲,買完去海濱公園玩下,吹水,媽子同細佬成日都玩我既=0=""

晚上去到碼頭邊坐,好凍又舒服啵,係果度我地係咁吹水,媽子同爸子好Sweets喔!!!

8點幾阿興行過黎搵我地,然後一齊去"明星"食任食火鍋,今晚阿興請我地四個人食野,哈,好開心喔~~

9點幾入席,我,媽子,細佬係咁簡食物,阿興同爸子都有比意見,等多一陣d野食送黎了,我地係咁放野落去個爐到,然後等佢熟,呵```

點知係張單度見到淨餘每兩$10,嘩,咁都得,咁食唔曬我地咪要迫自己食曬佢??令我諗到好似Camp食晚飯咁,食唔曬唔準走,唉....

我地食到十二點幾走人,食到我好飽~~細佬仲話唔飽=.=""

食完送媽子返屋企後再送我返屋企!!!

下午一點出門口,岩岩行到走廊出面,Carman打黎,我都知佢岩岩訓醒架啦,次次都係咁=.=""

我同佢講自行到<大埔壚火車站四號月台>等,佢又叫我係<太和火車站大堂>等,於是等左佢幾個字,之後一齊搭火車去<大埔壚>,去到月台,阿冼佢地匆忙地跑入火車,係火車度我地係度笑,哈哈~~

去到大圍,我地跟阿冼去<美林村>,記得會考果時同孫兒和Carman去過,去到"香港小童群益會"果度,以為係入面啦,點知阿冼佢地出黎話唔係,有個女仔拖住個妹妹仔嗌阿冼,阿冼又聽唔到,於是我幫佢嗌阿冼,但阿冼依然聽唔到,後來有個男仔幫我嗌佢先聽到,唉....

個女人係阿冼既屋企人,佢帶我地去美桃樓,之後個女人就拖住個妹妹仔走左啦```

去到派工作紙,填From後,三點開始聽"個人理財"講座,由於食左藥既關係,越聽越眼訓Zzzz''''

四點半聽完,個Jacky Cahn走左,香Sir繼續講返事項同去Camp既野比我地知,五點半走得,我,Carman,細佬,爸子和名棠陪阿冼等佢家姐,陪完後我地行去<大圍火車站>搭火車,返到"太和"我同阿棠陪細佬,Carman和爸子去"津津"食野,Carman要返學,食完即刻走左,得返我地幾個係度,之後細佬同爸子送我返屋企後去留下籃球場打籃球!!!