朝早細佬佢地原本約我去上水返教會,但由於我食藥好眼訓,訓到十一點幾,所以冇去到....

細佬,爸B,Carman返到黎大埔約我係"大家樂"等,我打日記打遲左,自己一個人去"昌運M記"搵媽子,以為我係最遲果個啦,點知仲有人遲過我=.=""都唔明我遲過佢地出門口,都可以早過佢地到>0<""

去到搵媽子等埋細佬佢地後,一齊去One Two Three陪細佬上台,上台完爸B去3G上台,我等等下好眼訓,藥力又發作啦~~

陪完佢地返屋企搵媽咪出去食飯,點知落大雨,我同媽咪變左"落湯雞",諗住去"日本城"買傘,點知見返以前既fd,佢真係變左好多```

最憎就係食藥,一食就要食十日,好煩呀!!!

P.S.:你對我既承諾會實驗嗎??

        /\/[＊我祈望這不是夢境oｏ*”

        .|||*＊--　終　生　承　諾　__×╳°°

五點幾落留下搵媽子,爸B,Carman,細佬一齊去麵包廊買麵包食,我負責陪佢地~~

六點幾去翠和樓留下藍球場睇人打波,我同媽子發覺好悶,以往我睇人打波都唔會悶....

7點搭火車去尖沙咀睇煙花,去到時,見到好多人去喔,大約都有幾十萬人,其中有d內地旅客,最憎就係果d成日撞人既大鄉里,明知我地果邊已經迫爆左,冇得行過去架啦,仲要行,食屎啦```一d禮貌都冇```

我地去"尖沙嘴東部"果邊睇,距離煙花匯演仲有個幾鐘,一邊等,一邊傾計!!!

第一枚煙花準時在九時盛放，三萬枚七彩煙花陸續在高空亮起，頓時引來兩岸的市民及遊客「嘩聲四起」，一張張歡樂笑臉迎接散落的萬千煙花，非常熱鬧。

我地係咁玩野,係咁「嘩聲四起」,又好笑,又好玩,哇卡卡....

我地拎相機影相時,唔小心掂到一個巴基斯坦男人,佢係咁望住我地~(望咩望者,我地又唔係有意既)

睇到最中間時,個巴基斯坦男人忍唔住我地咁熱鬧,之後就走左,好夜```

最後一幕象徵中國紅色五角星正是全晚高潮所在，群眾大感震撼不期然大力拍掌助興，奪目國慶煙花終在一片熱烈掌聲中落幕。

睇完煙花我地去左食野,媽子同細佬d拉麵係最好食,我同老豆嗌果個"北京炸醬拉麵"一d都唔辣,ok la~~

真係比Carman激死,冇錢咪出聲囉,最多我地最唔去d咁貴既地方食野,粒聲唔出,問佢先講,唉!!!

佢真係要改變下d思想,行為呀,太xx啦,有時問佢野要好耐先答,靜係識得笑,真係...

我地見Carman冇錢食野,夾錢比佢食,真係陰公....媽子出得最多錢果個~~@.@"

十二點幾先返到屋企,好想玩通頂呀=0=""

下午四點細佬,爸B約我係"大埔壚M記"等,細佬諗住嚇我,點知嚇唔到我,哈哈~~=.=""

佢地陪我去睇醫生,等左好耐先有得睇=0=""

醫生話我出街要帶帽出,唔係就會復發,而家連繼十日都要藥,好唔鐘意食~~

之後Smaller黎左搵我,我地去職工盟作文,作到六點幾先作完,發覺細佬作文都唔錯架,我諗左好耐都諗唔到~

夜晚去"大家樂"搵媽子,爸B,細佬同Carman佢地食火鍋,我同Smaller企左係度,企企下去左"許留山"買野飲,本來隔離果個男仔想讓位比我地坐,點知我地走左,總知唔走啦>0<""

佢地食完吹水,吹完送媽子,Smaller返屋企,細佬,爸B,Carman送我返屋企,嘻~~