上午本來去睇醫生,點知個醫生放假,聽日先有得睇=0=""

四點鐘約左阿芬係大堂等,一齊去睇鞋....

落到留下細佬打黎話想去,等埋佢一齊去,我地一路傾計,一路行```

細佬話其實我可以打扮得好靚,可以著d好成熟既鞋,不過我都唔識打扮,一向我都好求其!!!

細佬都可以打扮得好令架=.=""而且佢又有弟媳喎,仲好過我啦>0<""

見到好多鞋都好令,好想買,但....

去到大中買鞋,買完行返屋企,送阿芬去太和火車站搭車,之後同細佬去搵媽子,見到媽子好認真咁做野```

媽子見到我係咁笑,哈哈~~見完媽子返屋企lu!!!

早上7點鐘起身刷牙食早餐,洗頭,吹頭換衫出門口....

落到去商務搵Carman,之後一齊去"麵飽廊"買麵飽,買完去天橋搭火車!!!

去大埔壚搵細佬,弟媳,家樂,阿安後一齊去大圍火車站,途路上我地係咁傾計,嘻~~

去到見到細Ken,Ivy同阿公(阿爸B),最唔鐘意就係Ivy,上次佢雙腳踏左我右腳,搞到腫左都未散,痛到而家``

仲有好多事我都唔係好鐘意佢,總知佢去我就唔去啦,唉....

我地行路去一間智障學校,分配好便乘搭旅遊巴出發,我照顧果個小朋友(男)冇咩特殊問題,只是成日都話:我要返屋企=.=""真係比佢....我係咁(乙水)佢,佢先唔驚,一路望風景,一路拖實我隻手,可能佢真係好驚啦!!!

阿安果個講普通話,細佬果個呆呆地,唔識講野,弟媳果個自弊,阿爸B果個...Carman果個我覺得好可愛喔@.@

到達目的地上船lu,一個拖一個上船,上到船聽導師講野,講完食Lunch,我同Carman落船艙食左個飽```

食完上船搵返我帶領果個昇仔,好似帶住個仔咁=0="

之後玩水上活動,第一個玩"空中飛人",第二個著救生衣"坐遊艇",第三個落海"游水",都幾好玩呀~~

玩完水上活動影相,填From後寫卡,見到我同昇仔既相影得唔錯啦~^0^~

係時候要落船搭旅遊巴啦,坐完就Say Bye,bye啦,落車後見到佢係咁搵我,真係好唔捨得佢呀....

我,Carman,細佬,弟媳,阿爸B,家樂,阿安,細Ken,Ivy行路去沙田食野,食完去"無印良品"行下,行完搭巴士返太和M記吹下水,吹完去細佬屋企,細佬幫我剪頭髮,好核突呀,嗚```

十二點十五分媽子,阿公約左我係留下等,然後一齊去職工盟~~

去到職工盟比細佬老點,去左一號室等,點知Sirena打比媽子,叫我地去十號室,去到鬼咁人齊=.=""

之後開始講左一陣,Sirena話聽日有義工做同埋10月18日有音樂會,我一定會去架,哈哈!!!

搞掂完野,我地一齊搭73X巴士去荃灣聽講座```

兩點幾到達目的地,我地竟然遲到>0<""

大約四點幾有五分鐘休息,我,Carman,火燒,家樂,細Ken落留下買野食,我同Carman買左個麵包食,佢地話見到我地食麵包都好肚餓=0=""

五點幾我,媽子,阿公,細佬和弟媳走人,我覺得今次既講座左耳入右耳出,因為我冇留心聽,靜係係度同人傾計,哈~~

六點幾返到屋企lu....今晚開始要寫200字既作文,星期日前交,唔係冇得去音樂會```