今日訓到十一點幾比阿麻嘈醒左,仲好眼訓呀,呵欠®.®«

下午係屋企上網,今日冇出街,比人罵,費事再出啦=.="

五點幾忽然有人話留上有火警,唔知咩事既我,換左條短褲,拎左件外套落街.....

我覺得自己著得好求其,但阿芬同阿B又話唔係>0<"

落到去d警察又唔比上返去,係留下度睇人地救火,果間屋燒到咩都冇曬,一邊睇,一邊打比獅弟睇下佢地係邊``

媽子笑住咁問我:見唔見到d靚仔消防員呀??哈哈~~好好笑呀™

等等下去左7-Eleven買野,邊行邊食,終於可以上返去啦,不過要行16層樓梯,累屎我啦~~

聽日可能有新聞睇,都唔知發生左咩事......

哈哈~~笑屎我啦```

一點幾阿芬和我去大中搵家姐~~

去到見到家姐同埋阿B,家姐著到好似去飲咁,好令,最鐘意都係佢對涼鞋```

我拖住Bb去公司,阿瓊佢地見到講左句"嘩",唔知佢做咩=0=""

拎完野有d後悔點解要離開,好唔捨得呀>.<"",阿杰係度同我打眼色,哈~~

後來去左"味千拉麵"度食野,Bb係咁叫我同阿芬做姐姐,係咁同我地玩,嘻!!!

食完陪家姐去大元村買野,搞到我好似拖住個細佬既師奶=.=""

臨走前,Bb錫左我三啖,好開心喔@.@

我同芬大姐飛的去太和,然後我一枝箭咁搭火車去旺角搵Fanny佢地.....

我地去左"新之城地庫"打機,打完機行街,去"朗豪坊",忽然見到好多人企左係度,咪去睇下囉,原來有Model行Catwalk,今季既衫好令喔,睇睇睇下見到徐子淇,依~~佢都係度行Catwalk既??

睇完去"大家樂"食飯,最鐘意飲楊枝金露,下次要去"Rainbow"度食糖水先~~

十點幾搭車返屋企,途中傾左好多野>.<"

下午兩點同Carman返去選擇課程,我同Fanny佢地一齊報一樣既課程,唔想分開讀.....

我地係咁傾,傾到五點幾先選擇完```

後來我,獅媽,阿棠,阿爺買杯麵去獅弟屋企玩,點知我輸左,問埋d好賤格既問題=.="

食杯麵唔夠飽,獅弟煮兩包米線比我,阿爺同佢自己食,唔洗我煮,嘻~~

食完又玩,玩完睇電視,睇完走人.....

十點幾我同阿爺送獅媽,獅媽叫阿爺送返我,呵呵~~