返到公司叫萍姐幫我拎後備locker鎖匙,然後去配一條比自己用~~

由於未到返工時間,於是我便行黎行去打發時間,點知....

6點十分到達公司換衫返工,又要P繩啦~~

阿瓊話我推銷手法唔係咁好,她都明白呢d野要慢慢黎,又叫我8點前一定要賣到出去....

慧儀行過黎叫我唔洗咁驚,以前她都好似我咁架,教我點樣推銷得好d,我地係度傾計,幾好笑囉~~

阿瓊話她帶頭賣比我睇,點知她以幾廿秒既時間賣到出去=0=""

而我....d客個個都話唔買,有d小朋友想要,但阿媽用好惡既眼神望住她們=.="

又失敗lu....d女同事叫我慢慢黎,仲教我推銷手法,嘻嘻~~

過左一輪,阿瓊叫我比返她,就叫左阿寧去推銷,她都賣到兩枝,而我....

今晚May May又叫我full豉油同Wasabi,又喊啦,有個boy問我:做咩呀?我話:冇呀!!慧儀又係咁問....

討厭洗Wasabi,今晚唔要再洗呀....

原本同事約左我去食宵夜,但咁多人,最後都冇去到!!

自己一個人去左惠康買野食,點知見到阿sir同他女朋友喎,他認得我,係度望住我~~= ="

返到公司遲到左一個字~~

打完卡阿瓊叫我唔好去換衫,直接去開會,好異族囉=0=""

最後都要比她罵,經理又罵,唉....

阿瓊叫我做"百事推廣",又話一定要個客買先得,分明難為我啦~~

同事見到我拎到咁累,就叫我放低它,但是唔得喔!!!

經理見到問我賣左幾多,我話:冇呀,他話:有冇搞錯呀,比多幾錢力去推廣....

你認為可以咩??d百事咁貴,都冇人買啦,仲叫我十五分鐘後再推廣,唉....

十五分鐘後我忙到痴線,阿瓊叫左個boy同事都推廣,結果我就唔知啦~~

十點幾入左廚房full豉油和Wa abi,洗果時搞到我係度喊,同事以為我比人恰,傻啦,點會呀!!

好開心她們咁關心我,多謝~~

走果時阿怡等埋我一齊返home....

前晚同琴晚比人扣左人工,今日一定要準時,唔係又....= ="

今朝訓到十點幾起身執行李~~

3點鐘搭車,發覺自己搭錯車,係下個站落車後,再過對面搭車,又傻左啦....

4點幾返到home,第一時間報平安,好唔想返黎囉,有得選擇既話,我實唔肯返黎~~

抖陣之後就拿拿臨煮野食換衫返工=0=""

返到公司唔記得左打卡,唉~又當我遲到啦....

做一陣野,慧儀嗌我地去開會~~

今日開始有個新推廣,又要我地去推廣啦!!

今日仲忙過星期日,好忙呀好忙喔,係度行黎行去....

十一點有得食消夜,好夜~~

d壽司好好味喔,又多喎,我食左好多,經理估我地實食唔曬,結果係我地食曬~

一路食,一路傾計,幾開心呀.....

食完換衫走人lu,我個肚腩好大喔=0=""