晚上8點幾約左媽子,阿公係"商務"等,阿公係最準時果個~~

我地三個係"商務"度睇小說,我最想買果本"我在雲上愛你"既小說,都係有錢先買啦....

9點"商務"打烊,我地三個係門口度等細佬同阿興黎,等等下去左"百佳"買野飲!!!

媽子買左特大橙汁黎飲,比錢時送左枝茄汁飲品比我地,細佬係咁問:茄汁??拎黎飲??嘜唔係唔飲得架咩??

我地5個呆左係度,點知媽子佢地話一定要利口一人一啖,唔係化```

佢地飲完到我飲,點知整到件衫,隻熊仔同埋對涼鞋污穢曬,搞到我要返去換衫~~

換完衫落到黎Carman都仲未到,有冇搞錯呀,仲未到,打佢屋企未打唔通,都估佢傾緊電話架啦!!!

真係比佢吹帳囉,要我地5個人等佢一個人,而且等左佢好耐囉,半個鐘後佢打黎話:我而家出門口啦....我好嬲咁話:下,你而家先落黎,我地等你咁耐!!佢仲係度笑,果時我真係好嬲囉~~

我地幾個去左"翠和樓"留下球場玩,發覺阿興好鐘意偷影我地,於是我地一家人大合照(一家人既意思係同Fanny,阿南,阿華,Carman影相,而唔係真係親生阿爸,阿媽果d呀)

玩到十一點幾行去"Rainbow"食糖水,點知去到我同Fanny唔想食,坐左一陣就走左lu...

十二點幾送完媽子走,再送埋我返屋企,今日既行程都幾開心啦```

下午去"大家樂"吹水,吹完去阿公屋企玩P.S2和鋤D~玩果隻恐怖Game,玩耐左覺得幾驚下=.=""

鋤D最後一鋪竟然比媽子佢地岩中左我輸,搞到我要扮猩猩>0<""

夜晚去左M記搵媽子佢地,見到Smaller同佢傾左陣,嘻~~

之後去"海濱"玩,玩玩下去左"梅樹坑",果時我已經冇曬心情玩啦.....

玩到咁上下竟然有兩位晞客搵我地,依@.@~佢咁都認得我,雖然我地唔係好熟!!!

玩到十二點幾返屋企lu,我地送Carman返屋企後,佢地再送我返屋企~~

今年落雨,搞到我冇曬心情,仲有好多因素既```

點解我唔可以好似其他人咁??點解呀..........

好後悔點解會咁,其實我內心還很脆弱,堅強只是表面```

兩點幾約左媽子,細佬,阿公係留下等,然後一齊去教會,去到見到一個好熟既人,佢都話對我有d印象,嘻!!!

等多一陣開始打邊爐啦,我地幾個係咁傾計,都幾開心啦~~

食完開小姐會議,之後祈禱就走lu....