上午十一點幾同媽子,爸子和細佬去上水返教會,細佬準時到,我第二,爸子第三,媽子最後到....
返到教會,個X生係度講野,我同媽子覺得好悶,之後我地四個係度傾計,哈=0=""
講完之後出左去祈禱,媽子話:我地好似比人迫左出去咁,我話:係囉~哇卡卡```
祈完禱有一位女士送左份禮物比我地,同埋聖經,仲話係好Yeah黎架,我同媽子係度笑,哈哈~~
十二點半完左,我地同教會果d人一齊嗌外賣食飯,點知有個女仔整左芝士蛋糕比我地食,我覺特唔夠甜,唔夠香,細佬話:唔夠甜~媽子話:太甜~爸子話:唔夠甜~個女仔係度聽我地d意見!!!
食完飯我地四個走左lu,去到"上水廣場"見到有棉花糖,我同細佬夾錢買比媽子同爸子食,點知佢地唔係好想食,我同細佬係咁食,哈哈....
係度行左一陣,我地搭火車去"旺角"睇戲行街,三點幾到左"旺角嘉禾戲院"去到Diamon既職員嗌我地飲杯水,然後慢慢解釋=.=""解釋完同個Sales傾左一陣後就睇有咩戲上映,點知下午冇場,我地諗住去"百老匯"睇,去到勁多人買飛,點知"紅鞋咒"又冇場,於是去"朗豪坊UA"睇有冇場,五點四十分有場喎,仲有個幾鐘媽子話想去"旺角中心"買象根,咁咪一齊去囉,而且我好耐冇去過啦~~
去到行左一陣媽子去買象根,落到地下,細佬一支箭咁行去買冷麵,我,媽子同爸子等佢,等等下我同媽子都好肚餓,於是我請媽子食冷麵,吾,好好味呀....我地邊食,邊行,細佬話:見到你地食我都好想食,於是我比細佬食左一淡,媽子比爸子食一淡,d路人係度望住我地,好無奈囉=0=""
食完睇下時間,差唔多夠鐘啦,我地一支箭咁行過去,去到d職員問我地拎"學生證"佢問:你有冇05-06年既學生證,我話:未整呀~~佢地比左我地入場,有個女職員笑住咁話:好搞笑呀佢地,佢地果個都係未整,哈哈~~
入到4號院,d人到齊曬大部份都係情侶,我地入去時,好多人都望住我地=.=""好彩冇遲到,坐左一陣就開始啦,開頭都唔恐怖,而且對鞋都唔係紅色既,有d欺騙成份,到中段先有d恐怖,嚇左我一跳,細佬仲好大聲咁叫,d人係咁望住佢,唔知點解我好自然笑左出黎,哇卡卡....>w<""
睇完去"旺角地鐵站"出旺中果邊,出到去見到有個男人抱住兩隻四個月大既狗仔,好得意,於是我同細佬行過去摸下佢,好Q呀,好想買佢返屋企,摸摸下個男人同我地講:Bye,bye!!!
之後我地去十蚊大大碗果間鋪食野,好好味呀,我地四個食得津津有味,食完陪細佬買"牛雜"買完,我去左"卓悅"買野,買完去左"123",去完搭巴士返屋企,好累呀今日,係車度我竟然訓唔著,唉``` |
