今日體育堂要做未完成的9分鐘耐力跑,真係想整我! 星期六去完Prefect訓練營後成身酸痛,而且隻腳行兩步就好似快要抽筋...最後都捱過了,但只跑得13.5(我唔擅長跑步),隻腳搞到咁都跑到呢個數,都算係咁!

之後上英文課時馬副校突然話重有兩分鐘,之後離奇叫我哋收拾好書包、熄了所有燈,原來係走火警演習! 之後上中史課時測驗,以我的慣性,當然係返到學校先溫書! 其實份卷唔算深,已盡量寫得多,但都唔夠心心多,真係激氣! 今次同心心玩鬥高分,我一定要高分過佢架,唔係就...

跟著數學課又要測,同樣無咩點溫,但份卷就比較難,其實有些數應該會識計,但最慘係睇唔明佢明咩...預了一定會炒!

呢個星期又好似好多野做...星期三要測Econ,星期五又要默中文...真係好想知邊個中默唔合格,累全班要默完一次又一次!*

總知,呢一刻真係咩都唔想做...好想時間停留...唔想去面對一個繁忙的星期!