由於下午要舉行畢業典禮采排，所以12:40分放學...每節課堂只上25分鐘。

今日第一、二課就係體育，真係被人玩死!昨日同學話係group A跳舞，group B上田徑(我係group B)，所以要帶衫。但今日Miss張就宣佈group A係上田徑，搞到我班d同學好亂，好多人都無帶衫，有些要問人借，有些就告訴老師，結果全班人連4A一齊上跳舞，真係好似比人玩。

跟著第三、四課就要由新座返去教學大樓上堂，第五、六課都係教學大樓上，所以要拿四堂用既書過去，每個Day3都係好累...第七、八課返回自己班房內上課，感覺係最舒服!

每次一到Day3，我成個人就好緊張，驚第一個小息唔夠時間換衫同轉課室，之後又成日帶著個沉重既書包...都唔明點解學校會編個咁既時間表比我班!真係以後都唔想上Day3既堂喇!*