今日學校為prefect舉行了訓練營...所以早上8:50就回到學校。

原本我係屬第1組...但因第3組唔夠人...所以就被人調組...

今日個訓練活動都真係很累...而家搞到周身骨痛! 今日總共玩了四個遊戲,全部都係考合作、溝通等,其實難未必係難,但多數都係有時間限定,完成唔到就被訓可能做體能...所以唔多唔少都會有些壓力!

加上我本身唔屬於第3組,所以同人唔算好熟...而且有原本同一組同樣被調到第3組既同學就話比我知第3組d高form既怨我哋倆個唔夠投入叫得唔夠大聲,但講真,我已經好大聲去叫,我唔知你聽唔聽到,而且玩遊戲時我都玩得好投入,但有時我根本入唔到個堆去幫手,希望唔會係因我哋係第1組所以先話我哋倆個,講叫得細聲,唔夠投入,我唔信只得我哋倆個!

總括黎講,我覺得今日都玩得好開心,初時聽到訓練員說今日係艱辛的,我真係好驚。但玩下又覺得幾好玩,而且自己已盡力做到最好~所以...算係咁!*