逢星期四全日班放學果陣我都好趕，因為岩岩上完堂，帶左班學生落去排隊之後又要走返上去執野拎埋個袋走去帶西鐵隊，次次都搞到成身汗，加上今日太多星期六活動既野做，今日可以話係冇停過。

去到西鐵站就等brenda，見咁多時間，就行下天盛商場，都冇咩野行既，咁就行返上西鐵站等。等左好耐，都唔見brenda，以為佢睇唔到個sms添，不過我知佢今日補測，希望佢今日測好d啦，遲d都冇所謂既~~終於等到佢黎，見佢喘晒氣咁，一定行到好急喇。我俾左隻碟同埋d公仔佢，就同佢搭車返朗屏，途中好似見到佢識既同學，咁我地就係咁遠離佢。返到朗屏同brenda講byebye之後就搭車返學，今晚要交功課，好彩都做得晒。