今日發生左件事，就係it組兩個組長嗌大交，爭人幫佢做野，今次既目標係我呀，兩個人今日都俾左工作我做，我就好似拔河果條繩咁，一隻手俾人扯去左，另一隻手俾人扯去右，睇下我幾時俾人分屍，死無全屍添，今次睇我幾時死，潘主任同陳主任俾我既工作都好趕，加埋我係大學既功課又未做晒，我已經走上絕路喇，睇黎要我死左先解決到喎。唔通今個月係朗屏第二個跳樓死既人會係我•••

呢排成日俾d學生笑我把聲似女仔•••又唔嗌得大聲•••你估我想架咩，如果我有得揀就好啦，其實我一直都好介意呢樣野，唯有怨嘆一句，天意如此•••下一世唔好咁就得喇•••所以我一直都唔鍾意同人講野，依家係惠州識到6i班既佢地，尤其係rain同brenda，都真係一件開心既事。

依家我個心情真係差到極點，唉~~死喇，做乜我會有尋死既決心架•••

夜晚玩icq果陣諗住會開心d啦，點知激嬲左brenda添，其實我既意思唔係咁架，不過都係我誤會左佢既意思，講錯野先會咁，始終都係我錯既•••唉~~做乜我今日會咁架，激嬲左我最錫既妹妹，真係唔死都冇用•••