今日難得有一日假期，不過好似病左咁，頭暈暈冇咩精神，其實尋日返工已經有d事架喇，不過死頂繼續做野同返學，所以尋日聽到果個人咁講野，不其然有d嬲添~~開頭以為唔夠訓，點知今日起身都仲有事。

朝早係屋企照顧bb，食完飯下午出旺角買禮物俾我兩個妹妹，一出到旺角，唔知係咪太多人太焗，又令到我好辛苦，好暈加想嘔，不過一場出到黎，都要行下街，買下禮物啦。行左兩個鐘，無驚無險咁買齊晒返屋企，坐車果陣條頸好痛，完全係感冒既徵狀呀~~真係弊•••

聽日到星期6真係好關鍵既時刻，我要好好睇住我管理既物資，唔好俾人有機可乘，同埋希望果個人識自動自覺完成埋佢係惠州既最後一件工作啦，如果唔係我就真係對佢完全失望，果間學校真係請錯人喇~~