今日我家姐去左旅行，所以佢個1歲幾既小朋友交左俾我屋企照顧，今日可以成日都見到佢喇，不過就好唔聽話囉，走黎走去，搞到我好倦，照顧小朋友真係唔易~~

下午rain同brenda分別打左兩次電話黎(其實打左唔止兩次呢，可能我睇緊個小朋友唔知佢地打過黎啦)，問我著衫著咩碼，著鞋著幾大，我都覺得奇怪架喇，最後再打多次黎，叫我出去屯門，不過真係唔好意思，我睇緊個小朋友行唔開，所以冇出到，原來佢地係想送生日禮物俾我，但係唔知買咩好，所以叫我出去揀。果陣我真係好開心架，佢地真係送生日禮物俾我喎，不過可惜我出唔到丫，真係我既損失•••夜晚果陣知道佢地冇買到俾我, 不過買左俾果個人，算啦，我恨唔到架喇•••其實諗深一層，佢地曾經為過我份禮物花盡心機，週圍搵過，雖然冇買到，不過見到佢地咁有我心，我真係好感動架，就算最後冇一份實實在在既生日禮物都冇所謂，佢地呢份心意已經係一份最好既生日禮物喇，我真係咁諗架~~

如果下次你地再叫我出去既話，我一定會出架，因為我都想請你地食下野，行下街，開心下架~~