尋晚訓覺發生左件怪事，就係我訓訓下，成個人都唔郁得，麻痺晒咁，我個人係醒左架喇，但係睜唔開雙眼，我好似要用盡全部意志力先可以睜開雙眼，醒左之後就冇事，之後成晚都訓得唔好。

訓得唔好，精神當然唔好啦。返工睇左好多堂兄姊照顧，身體就唔算倦，精神就好疲倦•••今日放工早左，因為我要送一個四年級既小妹妹返去天水圍既西鐵站(唔好話我金魚佬呀)，佢屋企人係果度接佢，不過果陣好大雨，我顧住遮佢，我自己半個身濕晒，算啦，個小妹妹冇濕就得啦。諗到4點去到天水圍西鐵站，會見到brenda佢地添，不過唔好彩見唔到，希望下次見到啦~~

開心既事黎喇，今日提早左返大學，就去左拎手提電腦，拎完個人非常開心，不過上堂果陣都係訓著左，放左學就拿拿林返屋企試電腦~~

rain同brenda，如果你地唔得閒就算啦，又如果你地有需要，我同你地補下習啦~~