其實Dream Beauty Pro 脫毛$333三個位不限大小可謂係一個好震驚既優惠, 我第一次見到廣告真係好震驚好唔好, 但點知上到去Dream Beauty Pro仲震驚, 而且, 仲要冇點hard sell
首先上到去裝修好光猛, 白雪雪咁都幾靚, 入左玻璃房填表既時候就有個啊姐入黎俾花茶我, 雖然我對呢D花茶就無乜興趣既, 但白色既背景襯花茶又係幾靚 � 填好表之後個consultant又未入黎, 等等下坐到急要去廁所, 出去reception問佢拎鎖匙啦, 然後佢竟然叫岩岩個花茶姐姐出黎帶我去, 你呢到又唔係白宮洗唔洗帶路, 講真啊, 我怕尷尬啊……
當consult入黎之後我已經9秒9將自己武裝, 但點知佢又冇點hard sell喎, 姐係佢又唔會係咁攻擊我黎叫我買treatment, 佢淨係默默咁將我既肌膚同毛髮問題講出黎, 其實都講得幾中… 乾, 膠原流失導致毛孔粗大, 膚色暗啞不均, 痘疤, 疣… 我真係每一日照鏡都係諗緊呢D問題, 唉…………….. 之後consult就問我有冇話對咩treatment有興趣, 有咩肌膚問題係最想改善咁, 我就話最想係收毛孔, 跟住佢就同我介紹左幾個有關既treatment, 佢建議我join個個係第2平既脫毛treatment, 佢話貴D個幾隻我會唔著, 個D係俾問題再嚴重D既人用, 我用呢隻都已經OK。咁佢都算幾好, 幾誠實啊, 所以我就買左, 哈哈哈哈, 雖然未做, 效果之後再補文 � 佢地Dream Beauty Pro第一次淨係會做consult之後再終時間, 咁我就約左下下個星期三
到左treatment日, 入左房後就換衫, 然後呢, 就檢查毛髮, 美容師話我無問題可以直接做, 佢一開始就幫我剃毛, 佢同我講, 其實成個treatment入面剃毛都佔幾多時間下, 如果自己係屋企剃左毛先會快好多, 同埋係預約前2,3日剃左先, 到療程當日已經有個毛頭仔生出黎, 咁既程況做激光效果係最好既, 仲好過即日剃毛後做。(以上對話佢都係一路做一路講, 無停手嫁, 個心分得幾好, 哈哈, 雖然有時講到其他野佢都會停一停, 但我唔會怪你嫁!好過剃損我) 做既過程先係搽左D冰感啫喱(個名係我自己作, 哈哈) 真係幾凍下, 但又唔會凍到話即刻抽筋個種既, 個feel係good good的, 跟住佢就打光, 無乜感覺, 係真係無feel, 跟住就做完了..
我覺得個美容師幾細心, 佢會講哂俾你聽佢黎緊下一步要做咩, 俾哂心理準備您, 姐係好似佢搽啫喱會話: 我依家幫你搽XXX(唔記得佢叫個樣野做咩)啦, 會有少少凍嫁。呢點幾好, 如果佢一野搽落黎一定嚇死..
有人問我Dream beauty pro好唔好?咁平既價錢, 又冇點hard sell有咁全面既脫毛service, 好過好多其他美容院
|
