一朝早搭的士,個司機大佬就係咁講粗口鬧第二個司機
今日成都唔知咩事,大部份人都好似好殘咁,特別係王琳同琍琍,把聲都變埋
第一堂英文,個人仲未可以回神過來...傻吓傻吓咁
第二,三堂都係旅遊堂.....miss wong又玩催眠,搞到我地全部都處於一個唔清醒既狀況!!!
小息,又在此向年糕深表感謝,因為佢又請我食吞拿魚三文治
文學堂,俾林sir叫左出去講故仔,俾佢話我講得唔夠詳細,講得好概括
頭個堂中文堂跟郭sir學說話,點知一開始就俾佢寸我有dd痴脷根,不過跟佢學野好有用
佢今堂教我地如何運氣同點樣企,仲教我地氣功=.=有d誇張!!!不過佢好堅,好大聲,佢唱歌好掂!!!!
呢個阿sir有趣,我歡喜!!!
lunch同好多人係學校食,因為1:30要去做discussion
好搞笑,我地係到又扮超人又扮龍哥.....
1:30去做discussion,佢話我地個組係完美,咁又真係無可否認既
下晝好正常咁上堂....
放學同維西,郭展,豬仔走人
| 
