今朝個的士司機都堅囉....佢手車幾鬼安全呀,快到佢呀~如果我地遲到真係唯佢是問

返到去又要集隊...

文學堂就頂癮喇,我仲諗住會好悶,點知笑左成堂

林sir叫大衛講吓<鴻門會>既故事,大衛又唔記得喎....將d人物名講錯晒XD

最好笑係林sir聽到佢講錯d名都冇馬上話佢....等佢錯落去,

最後先問佢個d人係咩人,再作個假名問大衛又係邊個,大衛又中佢計,答佢喎...佢答晒問題之後我同佢講返,佢先知自己衰左

世史堂陳sir發爛渣....又讚到自己天上有,地下無.....

maths堂冇野搵野黎做....同大衛搵野嘈!!!

lunch同大衛,維西係學校食

下晝文學測驗....林sir走左去北京,由個代課老師睇我地測驗,嘩!!!成班都出cat

放學同維西行返屋企

今日返到學校要集隊.....

返上班房冇耐就上堂

兩堂旅遊好鬼悶呀....miss wong講d野好無謂呀

文學堂....林sir正呀!!!!狂搞笑

聽鮑魚講話有條友仔偷拍左美女老師,仲擺上網....鮑魚先堅,竟然搵到邊個做!!!仲告左俾老師知,搞到幾大鑊

所以呢個故事教訓我地唔好做衰野,天網灰灰,一定會有鮑魚呢d人搵到你架!!!鮑魚真係好堅....咁都搵到邊個做!!!

中文堂同柏林吹吓水咁啦...

lunch同大衛,維西買野偷偷地上班房食....

之後sandy同mimi黎左我地班房....同我地吹水,好搞笑囉...

reading堂眼訓到咩咁.....係到釣魚=.=

中史堂測驗....唔係好夠時間!!!識架!!!

放學要留低補maths,同埋柏林慶祝生日

maths係咁計數....本來好威....以為冇錯,點知..................仲俾琍琍寸=.=

放學同大衛返歸

柏林!!!生日快樂

多謝亞點條手繩

頭三堂又係好眼訓....好難頂呀

世史聽陳sir吹水...佢買左架新車,好威咩???

講d咩都會講到佢架新車,得喇...知你架車最潮喇!!!

中文堂唔知點解好快過...做左唔係好多野姐

lunch同維西,大衛係學校食....

sorry呀年糕,我地唔係專登放你飛機架...我地唔知你地真係約左我地一齊食~

你打黎個時我地係因為係學校先冇聽你電話咋~sorry

下晝入hall聽陳sir同靚女老師講野.....

阿伈佢地係咁問我d好尖銳既問題...點答呀!!!

又問我去澳門係唔係因為某個人先去....真係唔係呀!!!!

放學要留低補課....

5點幾先走得

亞點,,,,生日快樂!!!!

今朝返到去,亞點就請左我同大衛食朱古力喇!!!多謝喎

跟住同大衛傾計....發現左好多野!!!

頭三堂好快就咁過左喇!!!

兩堂旅遊又係聽miss wong講野

兩堂英文又係好快就過左喇

lunch同大衛,維西,海男,傻強,志華,heidi,sandy,mimi,亞點,年糕一齊食!!!

之後我,大衛,海男,heidi有事要就先....就係要見個肥仔老師

reading堂又玩點名....今次我好晦氣咁答左"到"

點知"何首烏"呆左咁望住我....

文學堂林sir又搞笑喇....落堂個時,因為我成隻手都係手汗...專登叫婷婷,琍琍同我握手,佢地都識穿我咩事=.=

旅遊堂之後就放學喇

唔知點解今日都幾頭痛

讓我與你一起懶得理白眼

做功課......