差點忘記了有這個日記的存在-.-

最近是NDS玩太多了

一直在打的聖劍傳說Children of MANA也快集好所有的晶石

大概過多一兩天應該可以換別隻玩了~"~

至於勁舞團也良久才進一次...退步很多了v_v

原來我一直忘了一件生活中重要的東西

這就是睡眠環境

一直處於開著電器的房間休息

不論怎樣也是對健康無益的

當然電腦也不例外

改天早點關掉電腦抱頭大睡試試效果好了

看看隔天醒來會不會精神好一點

係學校既時間都忙於打卷同做其他雜務

處理UAU事務既時間變得好少

連論壇都無乜時間上v_v

自己既日記更加無乜時間去打理...

至於放工時間嘛...多半都係出左街

返到屋企都好少會上論壇同入勁舞玩

我D時間究竟用左黎做D咩野呢...

不過委員面試者既評語終於都打好晒-.-

跟住既就放手交比雄去搞掂...

最近去過旺角既海壽司...

雖然去完之後睇返佢D風評唔太好

但D野好抵食 而我自己食完都覺得D野幾新鮮同幾好食

重好抵食添

兩個人食到飽晒加埋都係百二蚊埋單

平時係元綠元氣食既話最少百六七蚊

應該會再去

再講返UAU...

選完委員出黎...

下一步應該就係同D委員商討工作分配

同埋UAU跟住落黎既計劃

商討工作分配呢...

我當然就係希望可以掟晒D野比其他人去跟進-.-+

而且每個人都有獨立處事能力就最好-.-+

(不過呢種分散權力既制度對於我黎講一直都實行唔到...)
(因為我一定會每樣事都Check住滿唔滿意...重會插手比意見-.-)

所以我都係趁我未有心情開始插手既時候盡量交多D需要做既工作出去算了-.-

今日終於補返我媽母親節個餐

食既係我間中都會去既都會海逸酒店自助餐

今晚我主要食既仍然係魚翅羹
(今次食左四碗)

其他食物亦依然保持一貫水準

途中見到幾個唔記得佢咩名但成日係電影頒獎禮出現既電影人(?)

坐左係我地張檯斜對面

不過好快就已經走左

另外今晚既重點係見到一個靚女．＿．

見到佢黎左我前面既窩夫Counter度兩次拎生果窩夫(?)

有D想走埋去同佢講佢對耳環好襯佢的

但次次見到佢我媽都出左去拎野食z_z

無機會走出去v_v

我 所指的是我的名字–冰樹

最近常在想

原來我的名字正是被地球需要的

卻亦正是被迫害 以及逐漸無處容身的

兩極的冰川日漸加速溶化消失

熱帶雨林被肆意砍伐亦逐漸縮小

這就是被需要而卻被迫害至無處容身的–冰樹