2007年5月24日–佛誕假期
今日約好左同勁舞團聯盟既委員一齊去BBQ
原本會黎既有我、Fa、Fa男友、傻樹、傻樹男友、雞翼、飛機、芝士、芝士Friend、雄、浩、浩弟同浩Friend
一共13個人
不過雄有事唔黎得
而浩就話發燒所以佢地三個都唔黎
雞翼同我各自係預定時間11點就去到小欖
而其他人就因為係旺角等傻樹既男友所以就遲左搭車
結果過左大半個鐘先黎到小欖v_v
八個人入場之後就開始燒野食
氣氛不錯=]
燒左幾輪之後大家就開始換衫準備一陣落沙灘
跟住傻樹男友就黎到喇
不過一直都唔同人講野亦唔坐埋黎
我撩佢講野佢都唔比反應我-.-
過左一陣就有人提議落沙灘玩水
第一次落沙灘既人有我、Fa、Fa男友、傻樹、雞翼、飛機、芝士
岩岩落水既時候大家都有D錫身
驚件衫濕水
不過有人開始潑水之後就引起左潑水戰
全部人既頭同衫都濕晒
之後就無顧忌咁係海度繼續潑水
係海度潑完水...上到沙灘就開始有人係度潑沙-.-#
玩夠水同沙之後就返左去沖身
原來佢既淋浴祗係放左三條水喉係度比人淋...
無遮閉既地方所以唔可以係個度沖涼v_v
所以我地都係用D自來水簡單淋下個身沖走D海水就算v_v
沖完身之後就繼續燒野食
燒野食其間傻樹男友仍然係自己坐埋一邊睇電視同傾電話-.-
佢究竟係為咩而黎既呢...
燒多一陣之後就有人召集第二輪下水
我去完Toilet行出海灘既時候就有人話我知芝士流大血-.-
叫我去拎膠布
之後我就返去爐邊既袋度拎左個急救袋仔出去海灘
拎左D消毒藥水、紗布同綿花比芝士洗傷口之後
其他人都一齊返左去沖身返埋爐邊
大家唔想落返海灘住又無野做
所以就拎左副啤牌出黎鋤大Dee
我坐落去第一舖就輸左要起身...
之後既戰果...都唔好提了v_v
係其中四個人鋤Dee既時候
其他既人就係度繼續努力燒野食
重幫我地鋤緊Dee既人燒埋
好味道@w@
鋤完Dee之後有D人繼續努力燒
有D就開始係度攤抖(e.g.︰我)
攤抖緊既時候我就買左支黎啤左一啤
啤完之後又去左第三次下水
落水既有我、Fa、Fa男友、傻樹、雞翼同芝士Friend
今次落到水就係度玩片石頭...(得我玩-.-#)
不過呢個時間潮退中...浪比較大
所以D石都飛得唔遠v_v
芝士Friend無帶衫黎換所以條褲濕左少少就已經返番去
而剩低既人就係度堆沙(堆係Fa男友身上)
我就堆左UAU幾隻字仔出黎
玩完沙係海度沖左一陣就上返去沖身
沖完身再攤抖左一陣就開始影團體相
影極都有人遮左自己塊面搞到要不停再影囉一.一
影完相之後已經八點幾鐘
大家都覺得差唔多係時候走
所以呢...就走了
我同雞翼上返巴士站各自搭唔同既巴士
而其他人就上左去佐敦既小巴返屋企
返到屋企沖涼先發覺自己隻右腳都割損左-.-
應該係因為傷口唔深到流血所以無發覺吧v_v
今日玩得幾開心=] | 
