禽晚場波真係勁好睇呀決賽果然唔同D

呢場係施丹最後一場波,都諗住有個完美既句號架啦

點知佢一個頭鎚窩落馬特拉斯個心口度,咁就一張紅牌嘞

想當年佢用個頭k.o左意大利,估唔到今次佢用頭k.o左自己

真係好可惜呀~~我好想知點解佢要咁做

究竟馬特拉斯講左D咩呢?點解施丹會咁火?

又有一個世界盃既迷出左黎嘞>.<

今日同老提,羅生羅太,阿阮,鄭晴去左溜冰

入去之前佢地左個delifrance(好似係咁呀...)食野

食左好耐,所以我同lemon就玩佢地,不過都唔好玩既...

成$60入場,冇晒錢啦我~你地快d還錢啦!!

仲有呀隻鞋勁難著呀!!好鬼死窄呀...

今次係我第一次溜冰,但係都算ok啦^.^"

仆左5次啫,留左少少血啫,冇乜事既

不過除左隻鞋之後隻腳真係好痛>o<行唔到咁樣

之後我地去左荷里活睇戲,睇3:30開場既[4條腿．拯救隊]

但係我地成3:45先入去,咁都得...勁呀

都幾好笑既,不過就短左DD,好似得84分鐘咋

其實我好想睇[小孩不笨2]架,但係佢地唔肯呀...

算啦,遲d買碟睇先,kaka

睇日又要返學啦,仲有兩日就散band啦...好唔捨得囉~~

就好似小六果陣咁呀!!點解會咁架...